Þau hittast á iðnaðarsvæðum, fela sig í ruslagámum og mæta í miðbæinn að kvöldi til með leitarhunda sér við hlið til þess að kynna þá fyrir flóru mannlífsins. Allt til þess að manneskjan og leitarhundurinn geti orðið sterkara teymi. Fólkið og hundarnir eru hluti af Björgunarhundasveit Íslands.

Þau verja mörg hver hundruðum klukkustunda í starfið á ári hverju. Stór hluti sumarfrísins fer í æfingar og útköll og sum þeirra taka sér jafnvel ólaunað leyfi úr vinnu til þess að leita að týndu fólki. Stundum verða þau fyrir tekjumissi af þessum sökum og í ofanálag eyða þau tugum, ef ekki hundruðum þúsunda í viðeigandi útbúnað árlega. En það er allt þess virði, segja þau.

Hundarnir sem fólkið þjálfar og vinnur með eru nauðsynlegir í leitir. Þeir komast yfir miklu stærra svæði en mannfólkið og eiga auðveldara með að leita í erfiðu landslagi eins og kargahrauni.

Þetta eru gjarnan hundar sem henta …