Eftir bankahrunið sat Seðlabanki Íslands uppi með mikið magn eigna og krafna, sem hann hafði tekið sem veð fyrir útlánum í aðdraganda hrunsins. Þessum eignum og kröfum þurfti bankinn að koma í verð. Utan um það verkefni var stofnað sérstakt félag, Eignasafn Seðlabanka Íslands (ESÍ). Umfang þeirra eigna og krafna sem settar voru þangað inn var metið á um 490 milljarða króna. 

Um allskyns eignir var að ræða, verð­bréf, mörg hund­ruð fast­­eignir og ýmis­­­legt ann­að. Á starfs­­tíma sínum starf­­rækti ESÍ svo tvö dótt­­ur­­fé­lög, ann­­ars vega Sölv­hól sem hafði það hlut­verk að selja eign­irn­­ar, og hins vegar Hildu, sem ESÍ fékk í fangið árið 2011. ­Vegna eðlis starf­sem­innar hefur ESÍ oft verið nefnt „rusla­kista Seðla­bank­ans“.

ESÍ starfaði frá 2009 og til ársins 2017, þegar því var slitið. Mikil leyndarhjúpur hefur verið um starfsemina. Engar upplýsingar hafa fengist um nákvæmlega hvaða eignir voru settar inn í ESÍ, hvernig þær …