Notaði morfínlyf í sex ár: „Ég horfði á mömmu og vildi líða eins og henni“

Banda­ríkja­maður á sex­tugs­aldri, sem er hálfur Íslend­ingur, segir að hann hafi notað ópíóða að stað­aldri í sex ár á árunum 2004 til 2010. Maðurinn, sem ekki vill koma fram undir nafni, er búsettur í Illinois-ríki í Banda­ríkj­unum og á íslenska móður sem flutti frá Íslandi á seinni hluta síð­ustu aldar. 

Hann er einn af millj­ónum Banda­ríkja­manna sem ánetj­ast hafa verkja­lyfjum úr mor­fíni á síð­ast­liðnum ára­tugum. Íslenska lyfja­fyr­ir­tækið Actavis var stærsti selj­andi ópíóða í Illinois-ríki, þar sem mað­ur­inn býr, á árunum 2004 til 2012. Íslenska lyfja­fyr­ir­tækið Actavis seldi rúm­lega 1,1 millj­arð ópíóða­taflna í Illinois á þessum árum, ríf­lega helm­ingi meira magn en næst­stærsti selj­and­inn í rík­inu. Eins og rakið er í greinum Stund­ar­innar um Actavis og ópíóða­far­ald­ur­inn í Banda­ríkj­unum, sem byggja á Arcos-gagna­grunni banda­ríska Matvæla- og lyfja­eft­ir­lits­ins (FDA) þá seldi íslenska lyfja­fyr­ir­tækið næst­mest allra af …