Flestir sérfræðingar spáðu því að talíbanar myndu fljótt sækja í sig veðrið eftir að Bandaríkjamenn drógu síðasta herlið sitt heim frá Afganistan. Stjórnin í Kabúl var gjörspillt, hafði lítil völd utan stærstu borga landsins og naut ekki stuðnings almennings. Hversu hratt spilaborgin hrundi kom hins vegar mörgum í opna skjöldu, ekki síst ráðamönnunum sjálfum í Kabúl.
„Þegar maður spyr sig hvers vegna afganski herinn streittist ekki á móti sókn talíbana verður fyrst af öllu að athuga hvernig hann varð til,“ segir Þórir Jónsson Hraundal, lektor við Háskóla Íslands. Hann kennir meðal annars arabísku og sögu Mið-Austurlanda.
„Bandaríski herinn gerði þau reginmistök að reyna að búa til afrit af sér sjálfum í landslagi og menningu þar sem það átti alls ekki við. Það gat aldrei gengið upp þrátt fyrir vilja til að ausa endalausum milljörðum dollara í þjálfun og tækjakost …
Athugasemdir