Gengst við samskiptum við Pál

Sjáv­ar­út­vegs­ráð­herr­ann Kristján Þór Júl­í­us­son stað­festir í sam­tali við RÚV að hann hafi átt í sam­skiptum við Pál Stein­gríms­son, skip­stjóra Samherja. Hann neitar því þó að hafa verið í sam­bandi við hina svoköll­uðu „skæru­liða­deild“ fyr­ir­tæk­is­ins, sem Páll þó til­heyrði.

Stundin greindi frá því á þriðju­dag að skæru­liða­deildin hafi talað um Kristján Þór sem sinn mann og að Páll hafi leitað hjá honum ráða. 

Stundin og Kjarninn hafa und­an­farna viku fjallað um og afhjúpað starf­semi þess­arar skæru­liða­deildar Samherja, sem sam­an­stóð af Páli, Þorbirni Þórð­ar­syni, almanna­tengsla­ráð­gjafa útgerð­ar­innar, og Örnu McClure, inn­an­hús­lög­manni fyr­ir­tæk­is­ins.

Þau voru lyk­il­fólk í þeirri áróð­ur­svél sem stjórn­end­ur út­gerð­ar­inn­ar Sam­herja ræstu eft­ir upp­ljóstran­ir um mútu­greiðsl­ur til namib­ískra stjórn­mála­manna.

„Ég hef aldrei verið í sam­skiptum við neina skæru­liða­deild og hef ekki hugsað mér að taka upp slíkt verk­lag“

„Ég hef verið í sam­skiptum við Pál Stein­gríms­son sem ég þekki bara frá því að hann var nem­andi í Stýri­manna­skól­anum á Dalvík eins og aðra íbúa í Norð­aust­ur­kjör­dæmi. Ég hef aldrei verið í sam­skiptum við neina skæru­liða­deild og hef ekki hugsað mér að taka upp slíkt verk­lag,“ segir Kristján Þór í sam­tali við RÚV.

Stundin leit­aði við­bragða Krist­jáns Þórs á þriðju­dag, áður en fjallað var um sam­skipti hans og Páls. Þeim spurn­ingum sem beint var til ráð­herr­ans hefur ekki enn verið svarað.