Hérna er hann, hlekkurinn á þrautina síðan í gær.
***
Fyrri aukaspurning:
Á myndinni hér að ofan má sjá leikkonuna Virginiu Cherrill. Hver er með henni á myndinni, þó hann eða hún sjáist ekki á þessu skjáskoti?
***
Aðalspurningar:
1. Þegar tiltekin persóna ferðast um í flugvél er sú flugvél kölluð Air Force One. Hver er þessi persóna?
2. Grikki nokkur sem uppi var rúmlega 500 árum fyrir Krists burð er frægur fyrir safn skemmtilegra dæmisagna. Hvað hét Grikki þessi?
3. Í dæmisögu, sem gjarnan er kennd við Grikkjann fyrrnefnda, þar segir frá því að fjall eitt „tók jóðsótt“ — það er, það fékk hríðir eins og barnshafandi konur fá — en þá fæddist ... hvað?
4. Náinn frændfugl álftar bjó um tíma á Tjörninni í Reykjavík. Það voru borgaryfirvöld í Hamborg sem gáfu Reykvíkingum nokkra fugla af þessari tegund. En þeim lynti illa við álftirnar sem fyrir fóru um Tjörnina og fækkaði smátt og smátt. Síðasti fuglinn af þessari tegund hvarf af Tjörninni 1977. Hvaða fuglar voru þetta?
5. Í hvaða landi — sem reyndar er ekki til í raun og veru — heitir höfuðborgin King's Landing?
6. Hvað heitir stærsta eyjan út af Reykjanesi?
7. Hvaða skip voru kölluð U-bátar?
8. Hvað hét forstjóri og eigandi WOW Air?
9. Í hvaða landi er mest ræktað af kartöflum?
10. Hvað heitir ferjan sem siglir milli Seyðisfjarðar og ýmissa hafna á Norðurlöndum?
***
Seinni aukaspurning:
Á myndinni hér að neðan er sjálfstætt ríki eitt. Það er kennt við gamlan kóng. Hvað heitir ríkið?
***
Svör við aðalspurningum:
1. Forseti Bandaríkjanna.
2. Esóp.
3. Lítil mús.
4. Hnúðsvanur.
5. Westeros.
6. Eldey.
7. Þýskir kafbátar.
8. Skúli Mogensen.
9. Kína.
10. Norræna.
***
Svör við aukaspurningum.
Sú fyrri um leikkonuna:
Það er Charlie Chaplin sem er með Cherrill á myndinni, sem er úr bíó-mynd hans, Borgarljós eða City Lights.
Og ríkið á neðri myndinni heitir Salómons-eyjar og er í Kyrrahafinu.
***
Spurningaþrautin
Fyrri grein
346. spurningaþraut: Partur af hvaða stríði var orrustan um Moskvu?
Næsta grein
Athugasemdir