Ef náms­menn og aðrir sem hyggj­ast koma til Íslands yfir hátíð­arnar vilja kom­ast hjá því að eyða þeim í sótt­kví, þurfa þeir að vera komnir hingað til lands í síð­asta lagi 18. des­em­ber. Samkvæmt far­þeg­a­spám mun far­þega­fjöldi hingað til lands aukast tals­vert eftir því sem líður á næsta mánuð, þega nær dragi jólum.

Þetta kom fram á upp­lýs­inga­fundi almanna­varna á tólfta tím­anum. Víðir Reyn­is­son, yfir­lög­reglu­þjónn hjá almanna­varn­ar­deild rík­is­lög­reglu­stjóra, sagði að emb­ættið væri vel und­ir­búið fyrir auk­inn far­þega­fjölda til lands­ins. Þórólfur Guðnason sótt­varn­ar­læknir og Már Krist­jáns­son, yfir­læknir sótt­varn­ar­deildar Land­spít­ala, lögðu mikla áherslu á að stöðva yrði inn­komu veirunnar á landa­mær­unum, til þess að verja þann árangur sem náðst hefði í bar­átt­unni gegn far­aldr­inum nú. Þeim hefur fækkað jafnt og þétt sem velja fjórtán daga sótt­kví eftir kom­una til lands­ins og flestir fara í skimun. Það er ekki síst að þakka góðu starfi landamæra­varða, sagði Víðir. 

Þær tak­mark­anir sem nú eru í gildi í sam­fé­lag­inu gilda til og með 1. des­em­ber næst­kom­andi. Þórólfur sagði á fund­inum að hann gerði ráð fyrir að hann myndi skila til­lögum um breyt­ingar á tak­mörk­unum í kringum næstu helgi, og jafn­framt að hann myndi gera það að til­lögu sinni að þær tak­mark­anir myndu gilda út árið. Enn fremur sagði hann í ljósi þess að vel virt­ist vera að ganga að ná tökum á far­aldr­inum væri ástæða til að slaka á tak­mörk­unum. Hann gaf þó ekk­ert út um í hvaða mæli það myndi verða. 

Lýsingu á helstu atriðum sem komu fram á fund­inum má lesa hér að neðan.