Aukaspurningar:

Á myndinni að ofan, hver er konan?

Á myndinni að neðan, hvað er þetta?

Og aðalspurningar:

1.   Hvað heitir forseti Frakklands?

2.   Hvað hét forsetinn sem hann leysti af hólmi?

3.   Í hvaða heimsálfu er ríkið Belize?

4.   Hvað eru photon og gluon? Svarið þarf ekki að vera hárnákvæmt.

5.   Empire State byggingin í New York-borg í Bandaríkjunum er ein þekktasta bygging heimsins og var lengi hæsta mannvirki heims. En af hverju er nafnið „Empire State“ dregið?

6.   Spánverjar urðu heimsmeistarar í fótbolta karla í fyrsta sinn 2010. Hvað hét markvörðurinn í því liði?

7.   „Andið eðlilega“ heitir kvikmynd sem frumsýnd var 2018 og kveikti bæði athygli og lof. Hver leikstýrði myndinni?

8.   Hörður Grímsson heitir lögreglumaður nokkur, hávaxinn, kannski svolítið hryssingslegur í fasi en þó vitaskuld með hjarta úr gulli. Hann er reyndar ekki alvöru manneskja heldur skáldsagnapersóna sem kemur við sögu í mörgum skáldsögum eftir ... ja, hvern?

9.   Einu sinni vildi svo til að Jesúa frá Nasaret mætti í brúðkaup og veislugestir urðu uppiskroppa með vín. Hann var þá ekki í vandræðum með að breyta vatni í vín og gat gleðin svo haldið áfram. En hvar var brúðkaupið haldið?

10.   Árið 1917 lauk Kristín Ólafsdóttir áfanga nokkrum í Reykjavík sem engin kona á Íslandi hafði áður lokið. Hver var hann?

1.   Emmanuel Macron.

2.   Francois Hollande.

3.   Norður-Ameríku. „Mið-Ameríku“ er rangt svar, þar sem engin heimsálfa heitir því nafni.

4.   Öreindir í atómkjarna. Photon nefnist ljóseind á íslensku og gluon límeind, en það dugar að vita að þetta séu smákvikindi einhver innan í atómum.

5.   New York-ríki. „Empire State“ er gælunafn ríkisins frá gamalli tíð.

6.   Iker Casillas.

7.   Ísold Uggadóttir.

8.   Stefán Mána.

9.   Kana.

10.   Hún lauk fyrst kvenna háskólaprófi hér á landi. Hún varð um leið fyrsta konan sem lauk læknanámi á Íslandi.

Konan á efri myndinni er dansarinn Isadora Duncan.

Á neðri myndinni er hluti brasilíska fánans, sem lítur annars svona út í heild:

En gætið svo að því, að einmitt hérna er linkur yfir á þrautina frá í gær.