Skammast sín fyrir að hafa það betra en fólkið sitt heima

Nagandi sam­visku­bit hefur elt hana Mariu Bethaniu Medinu Padrón á röndum síð­ast­liðin ár. Það á það til að kvikna við hvers­dags­leg­ustu athafnir eins og þegar hún hittir vini sína á kaffi­húsi eða fær sér eitt­hvað gott að borða. Gæði hún sér á ís á sól­ríkum degi þá gerir hún hvað hún getur til þess að leyna því fyrir fólk­inu sínu heima. Annað væri enda varla við hæfi. Í heima­land­inu er ís algjör mun­að­ar­vara, eitt­hvað sem fáir geta leyft sér en marga dreymir um, eins og á raunar við um svo margt annað. Þar var verð­bólgan 53 milljón pró­sent á árunum 2016–2019 og níu af hverjum tíu íbúum lifa undir fáækt­ar­mörkum.

Vöru­skortur dag­legt brauðÓða­verð­bólgan hefur verið svo mikil í Venes­ú­ela á síð­ustu árum að gjald­mið­ill­inn er svo gott sem verð­laus. Vöru­skortur er dag­legt brauð og níu af hverjum tíu íbúum lands­ins lifa við hung­ur­mörk.