„Við höfum fengið ábend­ingar um þetta og það hefur bara verið farið ofan í það,“ segir Unnur Sverr­is­dóttir, for­stjóri Vinnu­mála­stofn­unar, aðspurð um hvort stofn­unin hafi fengið ábend­ingar um það að hluta­bóta­leiðin sé mis­notuð með þeim hætti að starfs­fólk sé sett á hluta­bætur frá rík­inu en sé svo látið vinna 100 pró­sent starf.

Unnur segir að ábend­ingar um þess konar mis­notkun séu hins vegar ekki margar eins og er.  Hins vegar sé eitt af vanda­mál­unum að erfitt geti verið að fá fólk til að stíga fram og segja frá slíkri mis­notkun á þessu úrræði vegna atvinnu­á­stands­ins í sam­fé­lag­inu.

„Það er líka erfitt við þetta að eiga vegna þess að mikið af starfs­fólki kærir sig ekk­ert um að koma fram. Svo ótrú­legur fjöldi er ugg­andi um afkomu sína. Þú vilt kannski ekki vera sá sem er rek­inn fyrir að kjafta frá.  Þó það sé orðin mjög mikil klisja að segja það þá er þetta ástand auð­vitað án hlið­stæðu. Það hefur aldrei gerst að svona mikið atvinnu­leysi hafi komið upp svona hratt. Efna­hags­hrunið var minna og lang­vinn­ara högg í sam­an­burði við þetta. Hér líða bara þrír dagar og þá vaknar fólk upp við það að allt er breytt,“ segir Unnur. „Það sem ég ótt­ast er að eitt­hvað starfs­fólk sætti sig bara við þetta fyr­ir­komu­lag, ef verið er að mis­nota þetta úrræði með þessum hætti, og láti þetta yfir sig ganga í stað þess að missa vinn­una alveg.“

Hægt er að senda Vinnu­mála­stofnun ábend­ingar um mis­notkun á hluta­bóta­leið­inni á heima­síðu Vinnu­mála­stofn­unar.