Flugfreyjufélag Íslands fordæmir óvænt og einhliða viðræðuslit

Stjórn og trún­að­ar­ráð Flug­freyju­fé­lags Íslands (FFÍ) for­dæmir óvænt og ein­hliða við­ræðu­slit Icelandair sem birt voru í fjöl­miðlum í dag. Afstaða Icelandair setur FFÍ í þá afleitu stöðu að þurfa að hefja und­ir­bún­ing að taf­ar­lausum og víð­tækum verk­falls­að­gerðum. FFÍ er aðili að Alþýðu­sam­bandi Íslands og alþjóð­legum verka­lýðs­sam­tökum og hefur fullan stuðn­ing við aðgerðir sínar þar. Sam­stöðu­afl­inu verður beitt af fullum þunga.

[links]Þetta kemur fram í yfir­lýs­ingu frá Flug­freyju­fé­lagi Íslands sem send var út í rétt í þessu.

„Það eru gríð­ar­leg von­brigði að Icelandair kalli eftir því að flug­menn gangi í störf félags­manna FFÍ og ég neita að trúa því fyrr en ég tek á því að vinnu­fé­lagar okkar muni koma þannig fram við sam­starfs­fé­laga sína um ára­bil. Afstaða og við­horf Icelandair í mál­inu eru til skammar og ég hef trú á að almenn­ingur taki slíkri lít­ils­virð­ingu við laun­fólk ekki þegj­andi og hljóða­laust,“ segir Guðlaug Líney Jóhanns­dóttir, for­maður Flug­freyju­fé­lags Íslands.

Vænta þess að málið verði tekið fyrir á vettvangi stjórnvalda

Þá kemur fram að Icelandair hafi á und­an­förnum mán­uðum þegið háar fjár­hæðir úr opin­berum sjóðum og FFÍ væntir þess að málið verði tekið fyrir á vett­vangi stjórn­valda hið fyrsta og geri þá kröfu til stjórn­enda fyr­ir­tæk­is­ins að þeir virði lög og leik­reglur á íslenskum vinnu­mark­aði.