Ný sviðsmynd sýnir 13 prósent samdrátt á Íslandi í ár

Í nýju haglík­ani sem Við­skipta­ráð Íslands hefur sett fram um þróun lands­fram­leiðslu til árs­ins 2030 er gert ráð fyrir að sam­dráttur í lands­fram­leiðslu á árinu 2020 verði 12,8 pró­sent. Það sam­svarar því að hún lækki um 379 millj­arða króna á yfir­stand­andi ári. For­sendur lík­ans­ins eru meðal ann­ars þær að atvinnu­vega­fjár­fest­ing drag­ist saman um 40 pró­sent, að þjón­ustu­út­flutn­ingur, sem felur meðal ann­ars í sér ferða­þjón­ustu, minnki um 59 pró­sent og að íbúða­fjár­fest­ing drag­ist saman um 25 pró­sent. Við­skipta­ráð telur upp­hafs­sviðs­mynd­ina sem dregin er upp þegar farið er inn í líkanið sé „afar dökk en raunsæ“.

[adspot]Sú lands­fram­leiðsla á mann sem Ísland var með í fyrra, 8,2 millj­ónir króna, verður aftur náð árið 2028 miðað við sviðs­mynd­ina og mann­fjölda­spá Hagstofu Íslands. Upp­safnað tap lands­fram­leiðslu frá árinu 2019 er 1.120 millj­arðar króna sem sem nemur rekstri Land­spít­al­ans í 16 ár og öllum launum og tengdum gjöldum á Íslandi í átta mán­uði.

Í umfjöllun Við­skipta­ráðs segir að efna­hags­á­fallið sem nú dynji yfir vegna útbreiðslu veirunnar sem veldur COVID-19 sjúk­dómnum sé óvið­jafn­an­legt. „Að mati flestra liggur fyrir að kreppan verði sú dýpsta í ára­tugi og jafn­vel aldir, en hversu djúp og lang­vinn er afar óljóst. Þróunin er þess eðlis að sögu­leg gögn og haglíkön fanga illa slíkan atburð. Engu að síður skiptir máli að hafa sem skýrasta mynd af þró­un­inni og þar gegnir þróun lands­fram­leiðslu (VLF) lyk­il­hlut­verki enda hefur hún afger­andi áhrif á atvinnustig, kaup­mátt, tekjur rík­is­sjóðs og margt, margt fleira. Segja má að lands­fram­leiðsla setji verð­miða á virði allrar vöru og þjón­ustu sem fram­leidd er á Íslandi.“

Hægt er að upp­færa haglíkanið, sem sett er upp í Grid hug­bún­að­inum. með því að setja inn eigin for­sendur.