Það er snjór yfir öllu og sannarlega jólalegt á að líta í borginni þegar við Dominique Plédel Jónsson hittumst yfir rjúkandi bolla á Kjarvalsstöðum daginn fyrir storminn. Dominique er flestum landsmönnum kunn enda hefur hún átt stóran þátt í að betrumbæta vímenningu okkar Íslendinga um áratuga skeið og rekið Vínskólann frá árinu 2006. Innan hans eru haldin margvísleg vínnámskeið en síðastliðin ár hefur Dominique einnig haldið með hópa í menningarferðir til Marokkó sem hún segir að mætti kalla sitt þriðja heimaland. Dominique hefur búið hérlendis í hartnær hálfa öld og tileinkað sér íslenska jólasiði með fjölskyldu sinni þótt franskra áhrifa gæti í bland.

„Af barnæskuminningum mínum eru minningarnar frá jólum í París, þar sem ég ólst upp, meðal þeirra bestu. Ég fylltist einmitt miklum söknuði núna um daginn þegar vinkona mín var í París og setti inn færslu á Facebook um að hún hefði fengið sér 12 ostrur. Ostrur voru …