Andrés Ingi Jónsson þing­maður hefur sagt sig úr þing­flokki Vinstri grænna og mun starfa utan flokka. Þetta til­kynnti hann í færslu á Facebook rétt í þessu.

Andrés og Rósa Björk Brynj­ólfs­dóttir, einnig þing­maður Vinstri grænna, tóku ákvörðun um að styðja ekki rík­is­stjórn Vinstri grænna, Sjálf­stæð­is­flokks og Fram­sókn­ar­flokks þegar hún var mynduð fyrir tveimur árum. „Það hafa á þessu tíma safn­ast upp dæmi sem mér þykja til marks um það sem ég ótt­að­ist í upp­hafi: að Vinstri græn ættu sífellt erf­iðar með að veita sam­starfs­flokk­unum mót­spyrnu og stjórn­ar­sam­starfið færð­ist enn fjær því sem flokk­ur­inn ætti að standa fyrir,“ skrifar Andrés Ingi. „Vissu­lega höfum við náð árangri en oft hafa mála­miðl­anir fallið fjarri okkar hug­sjónum, eins og birt­ist til að mynda í stjórn­ar­frum­varpi um útlend­inga á liðnu vori. Aðkallandi aðgerðir til að sporna við ham­fara­hlýnun hafa ekki gengið jafn langt og ég tel nauð­syn­legt og sjálf­sagt í rík­is­stjórn undir for­ystu grænnar hreyf­ingar.“

„Aðkallandi aðgerðir til að sporna við ham­fara­hlýnun hafa ekki gengið jafn langt og ég tel nauð­syn­legt og sjálf­sagt í rík­is­stjórn undir for­ystu grænnar hreyf­ingar“

Andrés segir það hafa verið áskorun að takast á við sam­skipti og sam­starf í þing­flokknum eftir þann ágrein­ing sem stjórn­ar­sam­starfið skap­aði. „Síð­ast­liðin tvö ár hef ég upp­lifað að sam­starfið hefti mig í að vinna af fullum krafti fyrir þeim hug­sjónum sem ég var kos­inn fyrir,“ skrifar hann. „Nú er svo komið að ég tel full­reynt að ég geti sinnt þing­störfum eftir sam­visku minni og sann­fær­ingu við núver­andi aðstæður. Fyrr í dag kvaddi ég félaga mína í þing­flokki Vinstri grænna og þakk­aði þeim sam­fylgd­ina. Ég hef til­kynnt for­seta Alþingis að ég hafi sagt mig úr þing­flokknum og muni starfa sem þing­maður utan þing­flokka.“