Innheimtustofnun sveitarfélaga hefur þurft að afskrifa meðlagskröfur eftir gjaldþrot einstaklinga upp á tæpan milljarð króna eða 993 milljónir á síðustu fimm árum.
Frá þessu er greint í Morgunblaðinu í dag, en í fyrra voru afskriftirnar 407 milljónir króna. Meginástæða þessara miklu afskrifta er lagabreyting frá árinu 2010 þar sem fyrningartími styttist úr tíu árum í tvö ár.
Innheimtustofnun sveitarfélaga hefur sent dómsmálaráðherra, samgöngu- og sveitarstjórnarráðuneytinu og Sambandi íslenskra sveitarfélaga bréf til að upplýsa um stöðuna og að ekkert lát virðist vera á umtalsverðri skerðingu á kröfueign sveitarfélaga vegna þessa, að því er fram kemur í Morgunblaðinu í dag.
Í febrúarmánuði greiða alls 11.233 manns ýmist áfallandi með- lög eða eldri meðlagsskuldir. Skylt er að greiða meðlag með börnum og unglingum þar til þau ná 18 ára aldri.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir