Verðbólgan, sem birtist í hækkun verðlags og samhangandi hækkun verðtryggðra lána, er á hraðri uppleið eftir óvenjulága verðbólgu síðustu ár. Miðað við uppfærða verðbólguspá Seðlabanka Íslands má gera ráð fyrir því að 30 milljóna króna húsnæðislán hækki um 1,2 milljónir króna á næsta ári, eða 50 þúsund krónur á mánuði.
Seðlabankinn telur sig knúinn til að grípa til aðgerða vegna versnandi verðbólguhorfa í dag og á næstunni. Fyrsta skrefið er að Seðlabankinn hefur ákveðið að hækka stýrivexti um hálft prósentustig vegna versnandi verðbólguhorfa, úr 5 prósent í 5,5 prósent.
Stýrivaxtahækkunin kemur í kjölfar launahækkana í kjarasamningum, en Seðlabankinn hafði áður varað við áhrifum launahækkana.
Verðbólguhorfur hafa versnað töluvert frá því í maí samkvæmt yfirlýsingu Seðlabankans. Á sama tíma hafa hagvaxtarhorfur líka versnað og er gert ráð fyrir hálfri prósentu minni hagvexti en áður var ráðgert, eða að hann verði rúmlega 4 prósent í ár og um 3 prósent næstu tvö ár. Hagvöxturinn stafar að mestu af vaxandi einkaneyslu, sem aftur ýtir undir verðbólgu.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.











































Athugasemdir