Jólin í ár verða um helgi. Þorláksmessa lendir á föstudegi, aðfangadagur á laugardegi og jóladagur sjálfur á sunnudegi. Að mínu mati jaðrar það við helgispjöll að landsmenn fái ekki almennilegt jólafrí, og nægir þetta til þess að ég tuða um þetta við alla sem verða á vegi mínum. Og til þess að bæta gráu ofan á svart er sömu sögu að segja um áramótin sem verða einnig um helgi. Sem sagt, í ár verða fá tækifæri til þess að liggja uppi í sófa dögunum saman, borða samlokur með hamborgarhryggi, borða Quality Street og horfa á Dr. Zhivago. Það lítur út fyrir að þetta verði eins konar ör-jól, þar sem einu spilin sem eru spiluð eru spil með hraðaspurningar, öllum er meinað að fara í jólabað og allir skikkaðir til þess að fara í jólasturtu í staðinn og jólamaturinn verður að vera hangikjöt úr örbylgjuofni að hætti 1944.
Þess vegna hef …
Athugasemdir