Lög á verkfall hjúkrunarfræðinga: Átök á Alþingi og reiði á samfélagsmiðlum

Mikla óánægju má greina á sam­fé­lags­miðl­unum vegna áforma rík­is­stjórn­ar­innar um að setja lög á verk­fall BHM og Félags hjúkr­un­ar­fræð­inga. Fjöldi hjúkr­un­ar­fræð­inga og heil­brigð­is­starfs­manna leggur orð í belg og gagn­rýnir stjórn­ar­liða harð­lega. Hnakkrif­ist hefur verið um málið á Alþingi og mun þing­fundur lík­lega standa fram á kvöld. 

„Það fer ískaldur hrollur um mig við til­hugs­un­ina um að í sögu­bókum fram­tíð­ar­innar verði greint frá því að örfáum dögum fyrir hátíð­ar­höld vegna 100 ára afmælis kosn­inga­réttar kvenna hafi rík­is­stjórn Íslands sett lög á verk­fall stærstu kvenna­stéttar heil­brigð­is­kerf­is­ins. Upp­ræt­ing kyn­bund­ins launa­munar hefði verið meira við­eig­andi afmæl­is­gjöf,“ skrifar Hildur Helga­dóttir, verk­efna­stjóri hjá Land­spít­ala Háskóla­sjúkra­húss á Facebook-síðu sinni.