Svandís þakkar þríeykinu fyrir sitt framlag

Svandís Svav­ars­dóttir heil­brigð­is­ráð­herra þakk­aði heil­brigð­is­starfs­fólki um allt land fyrir vel unnin störf í bar­átt­unni við COVID-19 á upp­lýs­inga­fundi almanna­varna í dag sem jafn­framt var sá síð­asti. Í ræðu sinni sagði hún það líka hafa verið verk­efni sam­fé­lags­ins alls að laga sig að breyttum aðstæðum og að þar hafi tek­ist vel til.

Það markar ákveðin tíma­mót að reglu­legir upp­lýs­inga­fundir almanna­varna hafi nú runnið sitt skeið á enda. Svandís nýtti samt sem áður tæki­færið til að minna á að sigur gegn veirunni væri ekki í höfn: „En verk­efn­inu er ekki lokið við þurfum áfram að fara var­lega og eftir því sem sam­fé­lagið opn­ast meira verðum við að leggja meiri áherslu á að gleyma ekki ein­földu regl­unum um að passa okkur sjálf, hand­þvott, sprittun og hæfi­lega fjar­lægð.“

[adspot]Enn sé fjöldi fólks og fjöl­skyldur að glíma við COVID-19, afleið­ingar sjúk­dóms­ins og eft­ir­köst. „Tíu manns hafa lát­ist og er fjöl­skyldum þeirra hér vottuð samúð. En nú er komið að næstu skrefum, næsta kafla þar sem við búum okkur undir að opna landa­mæri. Afar var­lega. Verk­efn­is­stjórn sem hefur fengið það hlut­verk að stýra und­ir­bún­ingi verk­efn­is­ins um sýna­töku og grein­ingar á COVID-19 meðal far­þega sem koma til lands­ins mun skila fyrstu til­lögum til mín á fundi síðar í dag, og í kjöl­farið fæ ég minn­is­blað frá sótt­varn­ar­lækni með til­lögu um næstu skref varð­andi opnun lands­ins. Þetta er flókið verk­efni sem snertir mörg mál­efna­svið og mörg ráðu­neyti og þarf að skoða bæði út frá sótt­varn­ar­legum rök­semdum og efna­hags­legum Þeim spurn­ingum öllum verður svarað á næstu dögum.“

Undir lok ræð­unnar ítrek­aði Svandís þakk­læti sitt í garð þrí­eyk­is­ins, þeirra Ölmu, Víðis og Þórólfs. Hún færði þeim að lokum þakk­læt­is­vott í formi blóma fyrir þeirra „ein­staka fram­lag á sann­ar­lega for­dæma­lausum tímum.“