Yfirmaður öryggismála við Höfða þríspurði starfsmann sendiráðs Bandaríkjanna hvort að Dagur B. Eggertsson væri virkilega borgarstjórinn í Reykjavík þegar Dagur kom í Höfða í dag til að vera viðstaddur fund með Mike Pence, varaforseta Bandaríkjanna.
[links]Ástæðan fyrir því að yfirmaðurinn trúði ekki að Dagur gæti verið borgarstjóri var sú að Dagur var hjólandi. „Ég hef aldrei hitt borgarstjóra á hjóli áður,“ sagði yfirmaðurinn á ensku við borgarstjórann.
Dagur greinir frá þessu á Twitter. Þar segir hann að eðlilegt svar við orðum yfirmannsins væru að allt væri einhvern tímann fyrst (e. first time for everything“).
Gríðarlegar öryggisráðstafanir eru vegna heimsóknar Pence til Íslands. Hátt í 300 manns eru í fylgdar- og öryggisliði forsetans og eru leyniskyttur meðal annars staðsettar upp á höfuðstöðvum Arion banka, sem staðsettar eru við hlið Höfða.
Þá var fjölmörgum götum lokað í höfuðborginni á meðan að á dvöl Pence stendur, en hann lenti skömmu fyrir klukkan eitt síðdegis og flýgur aftur af landi brott síðar í dag.
Guðni Th. Jóhannesson, forseti Íslands, tók á móti Pence í Höfða í dag um tvöleytið síðdegis. Í kjölfarið tók hann þátt í umræðum um viðskipta- og fjárfestatengsl Íslands og Bandaríkjanna þar sem ýmsir fulltrúar úr íslensku atvinnulífi og stjórnsýslu ræddu við Pence og fylgdarlið hans, ásamt Guðlaugi Þór Þórðarsyni utanríkisráðherra.
Pence mun síðar í dag taka þátt í umræðum um öryggismál á gamla hersvæðinu í Keflavík og hitta Katrínu Jakobsdóttur forsætisráðherra þar á stuttum fundi sem áætlað er að hefjist rétt fyrir klukkan 18:45.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.












































Athugasemdir