Síminn hefur ákveðið að fella niður áskriftargjöld að sjónvarpsstöðinni Síminn Sport, sem sýnir ensku úrvalsdeildina í knattspyrnu. Öllum leikjum í deildinni hefur verið frestað vegna útbreiðslu kórónuveirunnar og ekki er ljóst hvenær boltinn rúllar á ný.
Síminn segir í tölvupósti til áskrifenda að enska boltanum að þeir þurfi ekkert að aðhafast né hafa „óþarfa áhyggjur af áskriftinni“, hún muni einfaldlega verða virk á ný þegar enska úrvalsdeildin fer aftur af stað, hvenær sem það verður.
Enska knattspyrnusambandið hefur gefið það út að deildinni verði að minnsta kosti frestað fram í byrjun apríl, en sennilegt er að frestunin verði mun lengri, vegna aðgerða til þess að sporna við útbreiðslu kórónuveirunnar.
„Hugsaðu frekar um eigin heilsu, vini og ættingja á þessum fordæmalausu tímum,“ segir Síminn við áskrifendur sína, en fyrirtækið tryggði sér sýningarréttinn að enska boltanum fyrir þetta tímabil með því að yfirbjóða Sýn, sem áður hafði sýnt enska boltann á Stöð 2 Sport.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
kórónuveiran
Mögulega mest smitandi afbrigðið hingað til
Segja skimun kínverskra ferðamanna ekki byggða „á neinum vísindalegum rökum“
Segir aðstoðarmann Ásmundar Einars hafa „staðfest“ að ÍBV ætti að fá 100 milljóna styrk
Bóluefnakapphlaupið kostaði 1,3 milljónir manna lífið
Takmarkanir myndu þjóna takmörkuðum tilgangi
Athugasemdir