Alma: Yfirvofandi verkfall áhyggjuefni

Alma Möller land­læknir segir að yfir­vof­andi verk­fall hjúkr­un­ar­fræð­inga sé mikið áhyggju­efni enda sé stéttir lyk­il­stoð í heil­brigð­is­kerf­inu. Hún minnir á að hjúkr­un­ar­fræð­ingar séu í sýna­töku á landa­mærum og í smitrakn­ingu. Ef af verk­falli verði í næstu viku sé ljóst að mikil röskun verði á starf­sem­inni. „Það er gríð­ar­lega mik­il­vægt að aðilar kepp­ist við og nái saman fyrir mánu­dag­inn,“ sagði Alma á upp­lýs­inga­fundi almanna­varna í dag. „Ef ekki [næst saman] þá þurfum við að reiða okkur á und­an­þágur.“

Sagðist hún vona að í þær beiðnir verði vel tekið.

Ótíma­bundið verk­fall félags­manna í Félagi íslenskra hjúkr­un­ar­fræð­inga mun að óbreyttu hefj­ast klukkan 8 að morgni mánu­dags­ins 22. júní og vara fram til þess tíma er sam­komu­lag um kjara­samn­ing hefur náðst milli aðila.

Á upp­lýs­inga­fundi almanna­varna í dag kom einnig fram í máli Þórólfs Guðna­sonar sótt­varna­læknis að frá því að komu­far­þegum fór að bjóð­ast skimun við landa­mæri Íslands 15. júní hafa tæp­lega 3.000 ferða­menn komið til lands­ins og um 2.400 sýni verið tekin. Sex hafa greinst með veiruna og tveir af þeim taldir smit­andi og því í ein­angrun.