Brim ætlar að greiða 1,9 milljarða í arð og ráðast í endurkaup á bréfum

Aðal­fundur Brims sam­þykkti í gær að halda arð­greiðslu­á­formum félags­ins til streitu og greiða út alls 1,9 millj­arða króna í arð 30. apríl næst­kom­andi, vegna frammi­stöðu síð­asta árs.

Á sama fundi var til­laga um heim­ild stjórnar til að kaupa eigin bréf sam­þykkt. Sú heim­ild stendur í 18 mán­uði og tak­markast við að Brim má ekki halda á meira en tíu pró­sent í sjálfu sér á hverjum tíma. Þá má kaup­gengi „eigi vera hærra en í síð­ustu óháðu við­skiptum eða hæsta fyr­ir­liggj­andi óháða kauptil­boð í þeim við­skipta­kerfum þar sem við­skipti með hlut­ina fara fram, hvort sem hærra er.

Þetta kemur fram í til­kynn­ingu til Kaup­hallar Íslands.

Kosning til stjórnar félags­ins fór einnig fram, en sex höfðu boðið sig fram í fimm laus sæti. Þar vakti mesta Guð­mundur Krist­jáns­son, for­stjóri og stærsti eig­andi Brims, vild setj­ast aftur í stjórn félags­ins, en auk hans bauð öll fyrr­ver­andi stjórn félags­ins sig áfram til setu.

[adspot]Nið­ur­staðan var sú að Eggert Benedikt Guð­munds­son var ekki kos­inn í stjórn­ina, en hann var for­stjóri félags­ins á árunum 2005 til 2012 og hafði áður notið stuðn­ings líf­eyr­is­sjóða sem eiga stóran hlut í Brimi til stjórn­ar­setu.

Brim er einnig á meðal þeirra fyr­ir­tækja sem heil­brigð­is­ráð­herra hefur skil­greint sem þjóð­hags­lega mik­il­vægt og veitt und­an­þágu frá sam­komu­banni.

Miklar sviptingar á fáum árum

Miklar svipt­ingar hafa verið innan Brims síð­ast­lið­inn tæp tvö ár, eða frá því að til­kynnt var að félag sem í dag heitir Útgerð­ar­fé­lag Reykja­víkur hefði keypt rúm­lega þriðj­ungs­hlut í félag­inu, sem þá hét HB Grandi en var síðar var breytt í Brim, fyrir 21,7 millj­arða króna.

Fljót­lega eftir þetta var Vil­hjálmur Vil­hjálms­son, sem hafði verið far­sæll for­stjóri félags­ins um ára­bil, rek­inn úr starfi og tók Guð­mundur við stjórn­ar­taumunum sem for­stjóri.

[links]Þetta olli deilum í stjórn félags­ins og töldu tveir stjórn­ar­menn félags­ins, Rann­veig Rist, for­stjóri álvers Rio Tinto Alcan í Straums­vík, og Anna G. Sverr­is­dótt­ir, ekki rétt að fara út í þessar aðgerð­ir.

Síðan hafa deilur á meðal hlut­hafa félags­ins verið nokkuð tíðar, meðal ann­ars út af við­skiptum sem Brim hefur átt um kaup á eignum ann­arra félaga þar sem Guð­mundur er aðal­eig­andi. Gildi líf­eyr­is­sjóður seldi til að mynda alla hluti sína í Brim eftir slíkar deilur í fyrra.

Útgerð­­ar­­fé­lag Reykja­vík­­­ur, í meiri­hluta­eigu Guð­­mundar Krist­jáns­­son­ar, og dótt­­ur­­fé­lag þess á um 46 pró­­sent eign­­ar­hlut í Brim­­i í dag.