„Hefurðu glatað glórunni?“

Þátt­ar­stjórn­and­inn Piers Morgan kom Íslend­ingnum Samúel Guð­munds­syni til varnar í rök­ræðum við rabbínan Shmuley Boteach.

Fjölmargar ásakanir
Fjöl­margar ásak­anir Piers Morgan tók harða afstöðu með Samúel Guð­munds­syni, þrátt fyrir að gagn­rýna hann fyrir dóna­skap. Mynd: Skjáskot

Íslend­ing­ur­inn Samúel Guð­munds­son, sem vakti heims­at­hygli þegar hann blót­aði Ísrael á mynd­bandi með banda­ríska rabbín­anum og fjöl­miðla­mann­inum Shmuley Boteach á Akureyri í síð­ustu viku, kom fram í spjall­þætti Piers Morgan í dag, sem sjá má hér fyrir neðan.

Í þætt­inum mætt­ust þeir tveir í fyrsta skipti eftir að Samúel þótt­ist vera aðdá­andi rabbín­ans, tók upp stutt mynd­band með honum og mót­mælti þjóð­ar­morði Ísraels á Gaza, sem alþjóða­stofn­anir hafa sömu­leiðis gert, en var í kjöl­farið eltur af rabbín­anum sem deildi lengra mynd­bandi af því fylg­is­mönnum sínum.

Morgan benti á að Shmuley rabbíni hefði fengið „við­stöðu­laust nei­kvæð við­brögð“ undir mynd­bandi sem hann birti þar sem hann elti Samúel og kær­ustu hans eftir að Samúel blót­aði Ísrael.

Piers Morgan tók í þætt­inum harða afstöðu gagn­vart Shmuley rabbína en spurði einnig Samúel gagn­rýn­inna spurn­inga.

„Þú segir að hann vilji að Gyðingar deyi. Hefurðu glatað glór­unni?“ spurði Piers Morgan Shmuley.

„Hættu að ljúga. Hættu að ljúga,“ segir Piers Morgan á tíma­bili í þætt­inum við rabbínan. Þá gagn­rýndi hann rabbínan harð­lega fyrir að elta kær­ustu Samúels á mynd­bandi, þegar hún reyndi aug­ljós­lega að bægja sér undan.

Shmuley rabbíni hélt því fram í þætt­inum að 200 Palest­ínu­menn hefðu fengið hæli á Íslandi. Samkvæmt tölum Þjóð­skrár var 961 palest­ínskur borg­ari á Íslandi þann 1. ágúst síð­ast­lið­inn, en ekki hafa allir þeirra fengið hæli. Alls hafa 995 Palest­ínu­menn sótt um hæli á Íslandi frá árinu 2019. Um helm­ingur þeirra hafa fengið hæli eða dval­ar­leyfi.

Þá hélt rabbín­inn því fram að þeldökkum væri ekki hleypt til lands­ins og sak­aði Íslend­inga um hræsni fyrir að gagn­rýna þjóð­ar­morð Ísraels, sem hann afneitar, en úti­lok­aði annað fólk.

Morgan tók hljóðið af Shmuley rabbína á tíma­bili þar sem hann virti ekki stjórn hans á þætt­inum.

Þá sýndi Morgan brot úr mynd­böndum þar sem hann deilir við fólk víða um heim og kallar það Gyð­inga­hat­ara.

Fyrst var greint frá atvik­inu á Akureyri á vef Mannlífs í síð­ustu viku.

Kjósa
36
Hvernig finnst þér þessi grein? Skráðu þig inn til að kjósa.

Veistu meira?

Athugasemdir (1)

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Árásir á Gaza

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár