Tæpur helmingur hefur nýtt sér fimm þúsund króna ferðagjöfina

Þann 7. októ­ber höfðu 167.323 manns sótt fimm þús­und króna ferða­gjöf stjórn­valda, af þeim um 280 þús­und manns sem eiga rétt á henni. Af þeim sem hafa sótt hana hafa 130 þús­und manns, tæpur helm­ingur þeirra sem geta nýtt sér hana, þegar notað gjöf­ina til að greiða fyrir vörur og þjón­ustu hjá þeim fyr­ir­tækjum sem tóku þátt í átak­inu fyrir alls um 837 millj­ónir króna. Ferða­gjöfin gildir út árið 2020 og því verða þeir sem ekki nýta hana fyrir ára­mót af henni. , en tveir og hálfur mán­uður eru eftir af árinu.

Þegar aðgerðin var kynnt af stjórn­völdum kom fram að með þessu fram­taki ætti að gefa Íslend­ingum eldri en 18 ára sam­tals 1,5 millj­arð króna til að örva vilja þeirra til inn­lendrar neyslu og ferða­laga. Í dag hefur þjóðin sam­tals eytt um 56 pró­sent þeirrar upp­hæðar sem stjórn­völd kynntu að aðgerðin ætti að kosta.

Frum­varp um ferða­gjöf­ina var sam­þykkt 12. júní síð­ast­lið­inn og hægt hefur verið að sækja sína ferða­gjöf frá 19. júní síð­ast­liðn­um.

Kostn­að­ur­inn strax ofá­ætl­aður

Ein af efna­hags­að­gerðum rík­is­stjórn­ar­inn­ar, sem opin­beruð var þegar fyrsti aðgerð­ar­pakki hennar var kynntur 21. mars síð­ast­lið­inn, var að senda á öllum ein­stak­l­ingum 18 ára og eldri með íslenska kenn­i­­tölu star­fræna fimm þús­und króna gjöf útgefna af stjórn­­völd­­um. Síðar fékk þessi aðgerð, sem átti að hafa þau áhrif að efla eft­ir­spurn eftir kaupum á inn­lendri vöru og þjón­ustu í sum­ar, nafnið „Ferða­gjöf­in“.

[adspot]Alls átti kostn­að­ur­inn við þessa gjöf til allra full­orð­inna lands­manna að vera 1,5 millj­arðar króna. Ef það ætti að nást hefðu 300 þús­und manns þurft að sækja ferða­gjöf­ina, en miðað við mann­fjölda­tölur Hag­stofu Íslands voru íbúar Íslands 18 ára og eldri um 280 þús­und í upp­hafi árs og ekki víst að þeir séu allir með íslenska kenni­tölu, en slíka þarf til að sækja ferða­gjöf­ina. Því er ljóst að kostn­aður við ferða­gjöf­ina gat í raun aldrei orðið meiri en 1,4 millj­arðar króna hið mesta.

Rætt um að skala gjöf­ina upp

Búið var til sér­stakt app sem hægt að var nýta gjöf­ina í gegnum og safna saman ann­arra manna gjöfum ef þeir ætl­uðu sér ekki að nýta sína, upp að 15 ávís­ana hámarki. Heild­ar­kostn­aður við gerð apps­ins átti að vera að hámarki 15 millj­ónir króna.

[links]Hvert og eitt fyr­ir­tæki átti að hámarki að geta tekið við 100 millj­­ónum króna í formi ferða­gjafa og fyr­ir­tæki sem metið var í rekstr­­ar­erf­ið­­leikum 31. des­em­ber 2019 átti að hámarki að geta tekið við sam­an­lagt 25 millj­­ónum króna.

Sig­­urður Ingi Jóhanns­­son, for­­maður Fram­­sókn­­ar­­flokks­ins og sam­göngu- og sveit­­­ar­­­stjórn­­­­­ar­ráð­herra, sagði í við­tali við Kjarn­ann í maí að ein leið til að örva eft­ir­­spurn eftir ferða­­þjón­­ustu á Íslandi á kom­andi sumri væri að skala upp hug­­mynd­ina um ferða­­gjöf­ina og eyða hærri fjár­­hæð en 1,5 millj­­arði króna í hana.

„Tækn­i­­­lausnin liggur fyr­ir, útfærslan er ein­­­föld. Það væri hægt að skala þetta upp og búa til veru­­­lega eft­ir­­­spurn eftir ferða­­­þjón­ust­unni á Íslandi og flétta það síðan saman við opnun landamæra sem verður þó háð því hvernig öðrum löndum tekst að eiga við plág­una.“