Aðeins fjögur ný smit greind í gær – Yfir 1.500 náð bata

Stað­fest smit af kór­ónu­veirunni eru orðin 1.789 hér á land­i. Í gær voru þau 1.775 og hefur þeim því fjölgað um fjögur síð­asta sól­ar­hring­inn. Það eru næst fæstu smit sem greind hafa verið á sól­ar­hring frá því í byrjun mars. Þau fæstu, tvö tals­ins, voru greind síð­ast­lið­inn sunnu­dag en þá voru fram­kvæmd mun færri sýna­tökur en í gær.

Í gær voru greind smit 0,6 pró­sent af teknum sýnum en á sunnu­dag var það hlut­fall eitt pró­sent. Einungis 18 manns hafa greinst með smit á síð­ustu fjórum dögum.

95 smit hafa greinst á Vest­fjörðum þar sem hóp­sýk­ing braust út fyrir nokkrum vik­um.

Í dag eru 749 í sótt­kví en í gær var fjöld­inn 89. Alls hafa 18.623 lokið sótt­kví.

Í dag eru 270 ein­stak­lingar með virk COVID-19 smit en í gær var fjöld­inn 313. Þegar mest var, í byrjun apríl, voru virk smit 1.096.

[adspot]Í gær voru 194 sýni rann­sökuð á sýkla- og veiru­fræði­deild Land­spít­al­ans og reynd­ust tvö þeirra jákvæð. Hjá Íslenskri erfða­grein­ing­u voru tekin 431 sýni og voru tvö jákvæð.

Á sjúkra­húsi liggja 15 sjúk­lingar vegna COVID-19 ­sjúk­dóms­ins, þar af fimm á gjör­gæslu, sam­kvæmt því sem fram kemur á vefn­um covid.is. Þeim sem liggja á sjúkra­húsi fækk­aði um fjóra síð­asta sól­ar­hring­inn.

Af þeim sem greinst hafa með COVID-19 á Íslandi eru tíu lát­in.

Sam­kvæmt því sem fram kemur á COVID.is hafa flest smit grein­st í ald­urs­hópnum 18-29 ára.

Fyrsta smitið af kór­ónu­veirunni greind­ist á sýkla- og veiru­fræði­deild Land­spít­al­ans í lok febr­ú­ar. Greindum smitum tók að fjölga smá­m ­saman í kjöl­farið en fjöld­inn tók svo stökk 16. mars er 46 greindust. Flest smit greindust 23. mars eða 106.