Ellý Katrín er látin: „Kveðjustundin var jafn falleg og allt hennar líf“

„Hún Ellý mín hefur kvatt þennan heim,“ skrifar Magnús Karl Magn­ús­son í minn­ingu eig­in­konu sinnar heit­innar, Ellýjar Katrínar Guð­munds­dóttur. Hún veitti mörgum hug­rekki og inn­blástur þegar hún ræddi opin­skátt um reynslu sína af því að grein­ast með Alzheimer aðeins 51s árs gömul.

Magnús og Ellý heitin ræddu opinskátt um Alzheimer eftir að hún fékk greininguna og veitti það öðrum hugrekki og innblástur.
Magnús og Ellý heitin ræddu opin­skátt um Alzheimer eftir að hún fékk grein­ing­una og veitti það öðrum hug­rekki og inn­blástur. Mynd: Heiða Helgadóttir

Ellý Katrín Guð­munds­dóttir, fyrr­ver­andi borg­ar­rit­ari Reykja­vík­ur­borgar, lést á fimmtu­dag, 59 ára að aldri.  Eig­in­maður hennar, Magnús Karl Magn­ús­son, minn­ist hennar hjá hjart­næman hátt þar sem hann greinir frá and­láti hennar á Facebook:

„Hún Ellý mín hefur kvatt þennan heim. Hún var ein­stök. Hennar fal­legu eig­in­leikar lýstu í gegnum bæði skin og skúri í líf­inu. Fyrir átta árum mætti óvæntur gestur inn í líf okkar, erf­iður sjúk­dómur. Ellý tók þeirri heim­sókn af ótrú­legu æðru­leysi og reisn. Við fjöl­skyldan höfum lært svo margt af Ellý okkar, enda var hún sönn fyr­ir­mynd í öllu. Mín mesta huggun er að horfa á hæfi­leika hennar, per­sónu og útlit lifa áfram í börn­unum. Þau eru ein­stök og hafa stutt mig í gegnum allt eins og fjöl­margir ætt­ingjar og vinir. “

Magnús segir þar enn­fremur: „Kveðju­stundin var jafn fal­leg og allt hennar líf. Allir hennar nán­ustu kvöddu hana, þar á meðal Pétur bróðir hennar sem kom í gær frá Banda­ríkj­unum og litli Almar Elí, tveggja vikna ömmu- og afa­barnið okkar sem fékk að hvíla í fangi hennar.“

Ellý fædd­ist í Reykja­vík 15. sept­em­ber árið 1964. Hún var lög­fræð­ingur að mennt, með meist­ara­próf í umhverfis- og alþjóða­rétti frá Uni­versity of Wisconsin. Ellý gegndi ýmsum stjórn­un­ar­stöðum hjá Reykja­vík­ur­borg áður en hún var ráðin borg­ar­rit­ari árið 2011. 

Gaf öðrum hugrekki með sögu sinni

Mörgum er sú stund minn­is­stæð þegar Ellý Katrín steig í pontu á fræðslu­fundi Íslenskrar erfða­grein­ingar í byrjun árs 2017 og lýsti þar reynslu sinni af því að grein­ast með Alzheimer. Sér­fræð­ingar í mál­efnum fólks með heila­bilun segja að for­dæmi Ellýjar hafi verið afar mik­il­vægt, því það hafi gefið mörgum öðrum hug­rekki til að hætta felu­leiknum og við­ur­kenna að þeir hafi verið greindir með heila­bilun. 

„Ellý tal­aði um Alzheimer og hún hélt áfram að lifa með sjúk­dóm­inn með gleði í hjarta“

Í lok færsl­unnar um Ellý skrifar Magnús: „Ellý tal­aði um Alzheimer og hún hélt áfram að lifa með sjúk­dóm­inn með gleði í hjarta. Við megum aldrei gleyma að þeir sem fá slíkt í fangið eiga skilið stuðn­ing og ást okkar allra. Það skynj­uðum við fjöl­skyldan frá fjöld­skyldu og vinum en einnig frá fjöl­mörgu sam­ferða­fólki sem við þekkjum ekki. Fyrir það þakka ég ykkur öllum frá dýpstu hjartarótum.“

Lýsti aðdraganda þess að hún greindist

Ellý og Magnús komu saman í við­tal hjá Stund­inni, ann­ars for­vera Heim­ild­ar­innar, árið 2020. Þar lýsti hún aðdrag­anda þess að hún greind­ist með Alzheimer. „Ég var orðin svo þreytt eitt­hvað og var ekki nógu ham­ingju­söm. Það var eitt­hvað sem lá á mér. Svo ákvað ég að fara í rann­sókn og þá kom í ljós að ég væri komin með Alzheimer. Ég hélt kannski að þetta væru tíða­hvörf eða kulnun. Ég var ein­hvern veg­inn ekki alveg með sjálfri mér.“

Magnús sagði í við­tal­inu að sjúk­dóm­ur­inn hefði læðst aftan að þeim en þegar grein­ing­ar­ferlið hófst var hann far­inn að gruna að nið­ur­staðan yrði alvar­leg. „Grein­ing­ar­ferlið hjá okkur var svo sem ekki langt miðað við hjá mörgum, eða svona hálft ár. Mig grun­aði strax að þetta væri eitt­hvað alvar­legt en hélt alltaf í von­ina. Nið­ur­staðan varð svo auð­vitað mikið sjokk en Ellý hefur sýnt þessu ótrú­legt æðru­leysi.”

„Mig grun­aði strax að þetta væri eitt­hvað alvar­legt en hélt alltaf í von­ina“

Hann sagði það hafa verið þeim báðum afar mik­il­vægt hversu opin hún var með veik­indi sín. „Það var svo mikil skömm sem fylgdi þessum sjúk­dómi, þannig að það var mjög gott að geta farið með það út,“ segir hún og hann bætir við: „Þegar hún tal­aði um þetta opin­ber­lega fann ég hvað þetta var mik­il­vægt fyrir marga. Fljót­lega fór fólk í svip­aðri stöðu að hafa sam­band við okkur. Umræðan um sjúk­dóm­inn var á þessum tíma ágæt­lega mikil en and­lit hans hafði alltaf verið mjög fjarri, aðstand­endur kannski komið fram en sjaldan sjúk­lingar. Ellý kom fram með and­lit hins venju­lega borg­ara.“

Kjósa
80
Hvernig finnst þér þessi grein? Skráðu þig inn til að kjósa.

Veistu meira?

Athugasemdir (1)

Skráðu þig inn til að skrifa athugasemd eða kjósa.
  • Ingibjörg Ottesen skrifaði
    Mennskan í sinni fallegustu mynd 😇 Kærleikur, tryggð og staðfesta❤ Ég dáist að Magnúsi um leið og ég votta honum mína dýpstu samúð❤
    2
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
5
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár