Aðeins tvö ný smit á einum sólarhring

Staðfest smit af kór­ónu­veirunni eru orðin 1773 hér á landi. Í gær voru þau 1.771 og hefur þeim því fjölgað um tvö síð­asta sól­ar­hring­inn. Mun færri sýni voru tekin í gær en sex dgana þar á undan. 92 smit hafa nú greinst á Vest­fjörðum.

Í dag eru 1.109 í sótt­kví en í gær var fjöld­inn 1.220. Alls hafa 18.129 lokið sótt­kví.

Í dag eru 402 ein­stak­lingar með virk COVID-19 smit en í gær var fjöld­inn 434.

1.362 hafa náð bata.

Alls hafa 42.762 sýni verið tekið hér á landi frá upp­hafi far­ald­urs­ins.

Í gær voru 96 sýni rann­sökuð á sýkla- og veiru­fræði­deild Land­spít­al­ans og reynd­ist eitt þeirra jákvætt. Hjá Íslenskri erfða­grein­ingu voru tekin 285 sýni og eitt var jákvætt.

Á sjúkra­húsi liggja 28 sjúk­lingar vegna COVID-19 sjúk­dóms­ins, þar af fjórir á gjör­gæslu, sam­kvæmt því sem fram kemur á vefnum covid.is.

Af þeim sem greinst hafa með COVID-19 á Íslandi eru tíu látin. Í gær lést kona sem bjó á hjúkr­un­ar­heim­il­inu Bergi í Bol­ung­ar­vík. Hún var á níræð­is­aldri. Þetta er annað and­látið á Bergi sem teng­ist far­aldr­inum.

Samkvæmt því sem fram kemur á COVID.is hafa flest smit greinst í ald­urs­hópnum 18-29 ára eða 364 tals­ins. Þá hafa 100 ein­stak­lingar á aldr­inum 13-17 ára greinst með veiruna.

Fyrsta smitið af kór­ónu­veirunni greind­ist á sýkla- og veiru­fræði­deild Land­spít­al­ans í lok febr­úar. Greindum smitum tók að fjölga smám saman í kjöl­farið en fjöld­inn tók svo stökk 16. mars er 46 greindust. Flest smit greindust 23. mars eða 106.