„Staðreyndin er því miður sú að rót vandans liggur í henni sjálfri. Á tveimur og hálfu ári hefur Ragnheiður Elín engu komið í verk til að tryggja tekjustreymi til að byggja upp innviði á ferðamannastöðum. Hún hefur hins vegar átt í langvinnum útistöðum við ferðaþjónustuna um leiðir til þess,“ skrifar Össur Skarphéðinsson, þingmaður Samfylkingarinnar, um Ragnheiði Elínu Árnadóttur, iðnaðar- og viðskiptaráðherra.
Össur gagnrýnir Ragnheiði Elínu harðlega í færslu á Facebook-síðu sinni og segir meðal annars að sem betur fer séu ráðherrar eins og hún einsdæmi.
Ragnheiður Elín segir í Fréttablaðinu í dag að það sé merki um hegðunar- og uppeldisvandamál frekar en annað að ferðamenn skuli ganga örna sinna úti í náttúrunni. Hún segir jafnframt að uppbygging innviða ferðaþjónustunnar sé ekki aðeins spurning um fjármagn, heldur margt fleira.
Össur segir um fréttirnar frá því í morgun að í tvö og hálft ár í embætti hafi „nær ekkert gerst“ í uppbyggingu á ferðamannastöðum. Á meðan fjölgi ferðamönnum stöðugt og innviðir séu víða að springa. „Eina „afrek“ hennar er hinn steindauði náttúrupassi sem allir, jafnt hennar flokkur sem ferðaþjónustan, skutu á bólakaf enda alvitlausasta hugmynd sem fram hefur komið í áratugi.“
„Hegðunarvandamál“ Ragnheiðar ElínarÞráinn Bertelsson segir að ráðherrar af kalíber Ragnheiðar Elínar séu sjaldgæfir. ...
Posted by Össur Skarphéðinsson on Tuesday, July 21, 2015
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir