Einn á viku má heimsækja ástvin

„Núna birtir til og við getum farið að lyfta brúnum og brosa aðeins,“ sagði Anna Birna Jens­dóttir frá sam­tökum fyr­ir­tækja í vel­ferð­ar­þjón­ustu á upp­lýs­inga­fundi almanna­varna í dag. Þar fór hún yfir nið­ur­stöður vinnu starfs­hóps um aflétt­ingu á heim­sókn­ar­banni á hjúkr­un­ar­heim­ilum. Farið verður var­lega í þessum efnum en fyrstu skrefin verða stigin 4. maí.

Um 2.800 manns eru á hjúkr­un­ar­heim­ilum á Íslandi og hver og flestir eiga þeir marga aðstand­endur, „svo þetta er gríð­ar­legt verk­efni sem við erum að fara út í.“

Strax 4. maí verður farið í til­slak­anir á heim­sókn­ar­bann­inu og hvert heim­ili mun svo aðlaga sig að þeim reglum með til­liti til stærðar heim­ilis og aðstæðna hverju sinni. Á sumum heim­ilum eru til dæmis enn tví­býli og taka þarf sér­stak­lega til­lit til þess.

[adspot]

Anna Birna sagði að aðeins einum nánum aðstand­anda í einu væri heim­ilt að heim­sækja hvern íbúa fyrstu tvær vik­urnar. Búast mætti við því að hver íbúi fá þá eina heim­sókn á viku fyrst í stað, oftar ef aðstæður á heim­il­unum og í sam­fé­lag­inu leyfa. „Við treystum því að ætt­ingjar fari að leið­bein­ingum sem verða gefnar út,“ sagði hún. „Það má ekk­ert út af bregða og við verðum að fara mjög var­lega.“

Ung­mennum á aldr­inum 14-18 ára er heim­ilt að koma í heim­sókn en ekki yngri börnum.

Hvert heim­ili mun halda utan um skrán­ingu og skipu­lags heim­sókna. Í dag verða send út boð til ætt­ingja um hvernig þeir eigi að bera sig að við að panta tíma. Starfs­fólk heim­il­anna munu svo raða þeim niður.

Fólk getur ekki komið í heim­sókn án þess að hafa til þess heim­ild. Fyr­ir­komu­lagið verður þannig þannig að starfs­menn munu taka á móti gesti og fylgja honum rak­leiðis að her­bergi íbú­ans. Gesti er svo fylgt út sömu leið, þá stystu sem mögu­leg er. Aðstand­endur mega ekki dvelja í sam­eig­in­legum rýmum og áfram er hvatt til þess að ræða við starfs­menn heim­il­anna í gegnum síma.

[adspot]

„Það er mik­il­vægt að njóta þess­arar stundar og vera bara í heim­sókn,“ sagði Anna Birna. „Njótið að hitta ykkar ást­vin – það er gjöf að fá að koma til baka, að koma í heim­sókn aftur og vera með sínum. Við verðum að meta það.“

Hún minnti á að allir yrðu áfram að virða tveggja metra regl­una og því væri ekki hægt að „kyss­ast og knús­ast“ að sinni.

Allir þeir sem koma í heim­sókn skulu gæta ítar­legra smit­varna, þvo hendur og spritta og mjög mik­il­vægt er að þeir sem eru lasnir komi ekki í heim­sókn.

Útfærslur á hverju heim­ili fyrir sig munu liggja fyrir eftir helgi. „Það er nota­legt að hugsa til þess að 4. maí verður brotið blað og tekin skref.“