Logi Bergmann farinn í leyfi frá störfum

Logi Berg­mann Eiðsson, ann­ar um­sjón­ar­manna Síðdeg­isþátt­ar­ins á K100, er kom­inn í leyfi frá störfum hjá Árvakri, útgáfu­fé­lag­inu sem rekur útvarps­stöð­ina, Morg­un­blaðið og mbl.is. Frá þessu er greint á mbl.is.

Hann er einn fjög­urra manna sem Vítal­ía Lazareva hefur ásakað um kyn­ferð­is­brot. Hún setti fyrst fram ásak­anir á hendur þremur mann­anna: þeim Ara Edwald, Þórði Má Jóhann­essyni og Hregg­viði Jónssyni, á sam­fé­lags­miðlum í lok októ­ber. Þeir eru allir valda­miklir í íslensku við­skipta­lífi.

Auk þess hún hefur sett fram ásak­anir um illa með­ferð og fram­komu gagn­vart Arnari Grant, sem hún átti í ást­ar­sam­bandi við. Vítalia hefur meðal ann­ars sagt Arnar hafa látið sig gera kyn­ferð­is­lega hluti við aðra menn gegn vilja hennar.

[adspot]Málið vatt upp á sig á þriðju­dag þegar Vítalía steig fram í við­tali við Eddu Falak í hlað­varp­inu Eigin konur og rakti það sem komið hefði fyrir hana. Hún nefndi menn­ina ekki á nafn og setti auk þess fram ásökun á hendur öðrum manni vegna atviks sem átti sér stað síð­ar­. Sá maður er Logi Bergmann.

Í dag hefur verið greint frá því að allir menn­irnir fjórir sem Vítalía nefndi í stöðu­upp­færslu sinni í októ­ber hafi stigið til hliðar úr störfum sem þeir gegna vegna máls­ins. Í frétt mbl.is segir að Logi Bergmann hafi svo lýst því yfir í upp­hafi dag­legs síð­deg­is­þáttar sem hann stýrir á K100 að hann væri á leið í leyfi. Hinn umsjón­ar­maður þátt­ar­ins, Sigurður Gunn­ars­son, spurði Loga hvernig hann hefði það og Logi svar­aði:„Ég hef verið betri, en við ætl­um að gera hérna út­varps­þátt. Ég hendi ein­um þætti í loftið núna og svo fer ég kannski í smá frí og við sjá­um bara til hvað ger­ist.“

Hægt er að lesa ítar­lega umfjöllun Kjarnans um málið hér.