Innlent

14. febrúar 2016 „Ertu tryggð?“ var eitt það fyrsta sem banda­ríski bráðalið­inn spurði Silju Báru Ómars­dóttur þar sem hún lá alblóðug á heim­ili sínu í Los Angeles eftir alvar­lega árás. Örlög bráðalið­ans, sem valdi sér það starf að bjarga manns­lífum, eru þau að hann verður að spyrja þess­arar spurn­ingar áður en ákveðið er hvert skuli fara með sjúk­ling. Banda­rískt heil­brigð­is­kerfi gerir það að verkum að hann fer ekki með fólk á besta mögu­lega stað, heldur á þann stað sem fjár­ráð sjúk­lings leyfa. Silju Báru tókst með naum­indum að hvísla nafn háskóla síns, USC, og bráðalið­inn tók því sem stað­fest­ingu á því að hún væri með trygg­ingar frá skól­anum. Sem betur fer.

13. febrúar 2016 Ísland er undir með­al­tali OECD ríkja þegar kemur að fjár­veit­ingum til heil­brigð­is­mála og í frjálsu falli á lista yfir bestu heil­brigð­is­kerfi Evrópu. Heil­brigð­is­ráð­herra segir skorta yfir­sýn í mála­flokknum og land­læknir hefur áhyggjur af slæmu aðgengi sjúk­linga að heil­brigð­is­þjón­ustu. Erfitt er að fá tíma hjá heim­il­is­lækni, aðgengi að nýjum lyfjum er ábóta­vant og biðlistar í skurð­að­gerðir alltof langir.

13. febrúar 2016 Dæmi eru um að sjúk­lingar séu hafðir í ein­angrun á sal­ernum, í sturtu­klefum og geymslum sökum pláss­leysis á Land­spít­al­anum. 31 sjúk­lingur lá á göngum Land­spít­al­ans og 32 biðu eftir inn­lögn á bráða­mót­tök­unni þegar blaða­mann bar að garði. Starfs­fólk er að bug­ast undan álagi og mis­tökum fjölgar. Stefna í heil­brigð­is­málum hefur ekki gert ráð fyrir öldrun sam­fé­lags­ins og aldrað fólk dagar uppi á spít­al­anum. Blaða­maður varði hálfum degi á Land­spít­al­anum og ræddi við starfs­fólk og sjúk­linga sem mæta þessum aðstæðum.