Samtök atvinnulífsins kjósa um verkbann á félagsmenn VR

Stjórn Samtaka atvinnu­lífs­ins (SA) til­kynnti fyrir skemmstu um ákvörðun sína um að efna til alls­herj­ar­at­kvæða­greiðslu um verk­bann á félags­menn VR.

Í til­kynn­ingu SA segir að ákvörð­unin sé tekin í ljósi atkvæða­greiðslu VR um boðun verk­falls­að­gerða fyrir starfs­fólk Icelandair sem sinnir far­þega- og hleðslu­þjón­ustu á Kefla­vík­ur­flug­velli. 

Verði verk­bannið sam­þykkt mun það ná til alls skrif­stofu­fólks sem á aðild að VR og fellur undir almennan kjara­samn­ing SA og VR. Ekki liggur fyrir hversu stór sá hópur er. Í frétt Vísis er haft Ragnari Þór Ing­ólfs­syni að verk­bannið gæti náð til allt að tug þús­unda félags­manna. Þá er gert ráð fyrir því að verk­bannið taki gildi á sama degi og verk­fall VR er ætlað að hefj­ast, 22. mars. 

Í til­kynn­ing­unni er haft eftir Sigríði Margréti Odds­dóttur, fram­kvæmda­stjóra SA, þar sem hún segir að kjara­samn­ingar sem und­ir­rit­aðir voru fyrir skömmu og mark­miðum þeirra „standi ógn af boð­uðum skæru­verk­föllum í tengslum við sér­kjara­samn­ing sem leiðir af aðal­kjara­samn­ingi VR.“

Atkvæða­greiðsla um verk­bann hófst í dag um hádegi og lýkur 14. mars klukkan tvö. Í til­kynn­ingu SA segir einnig að upp­lýs­inga­fundur muni fara fram klukkan tvö í dag. 

Í síð­ustu viku til­kynnti samn­inga­nefnd VR um að hún hafi fengið heim­ild til þess að halda atkvæða­greiðslu um verk­föll meðal flug­vall­ar­starfs­manna Icelandair. En um er að ræða um 150 starfs­menn sem sinna inn­ritun, tösku­mót­töku og brott­förum. 

Í til­kynn­ing­unni sem samn­inga­nefnd VR sendi frá sér í síð­ustu viku sagði að rík óánægja sé meðal margra starfs­manna Icelandair með vakta­fyr­ir­komu­lagið og skert rétt­indi þeirra til sam­fellds vinnu­tíma.

Fréttin hefur verið upp­færð