Hildur Björnsdóttir vill verða borgarstjóri – Ætlar að velta Eyþóri Arnalds úr oddvitasæti

Hildur Björns­dóttir, borg­ar­full­trúi Sjálf­stæð­is­flokks, ætlar að sækj­ast eftir því að verða odd­viti Sjálf­stæð­is­flokks í borg­inni þegar próf­kjör fer fram í vor. Þar með skorar hún Eyþór Arnalds, núver­andi odd­vita, á hólm en hann hefur þegar til­kynnt að hann sæk­ist að óbreyttu eftir end­ur­kjöri. Hildur var í öðru sæti á lista flokks­ins fyrir síð­ustu kosn­ingar.

Samkvæmt heim­ildum Kjarnans hefur Hildur um nokk­urt skeið kannað jarð­veg­inn fyrir fram­boði gegn Eyþóri innan Sjálf­stæð­is­flokks­ins.

Næstu sveit­ar­stjórn­ar­kosn­ingar fara fram í maí næst­kom­andi.

Hildur setti til­kynn­ingu um fram­boð sitt á Facebook klukkan 19 í kvöld. Á sama tíma birt­ist við­tal við hana í Íslandi í dag á Stöð 2 þar sem hún opin­ber­aði áform sín um að reyna að verða næsti borg­ar­stjóri í höf­uð­borg­inni og skömmu síðar mætti hún Degi B. Egg­erts­syni, núver­andi borg­ar­stjóra, í Kast­ljósi RÚV í umræðum um fjár­hags­á­ætlun borg­ar­innar, sem var sam­þykkt í borg­ar­stjórn í gær.

[adspot]Í til­kynn­ingu Hildar á Facebook seg­ist hún vilja skapa borg sem virkar fyrir fólk og fyr­ir­tæki. „Höf­uð­borg sem setur fjöl­skyldur í for­gang - skóla sem mæta fjöl­breyttum þörfum og leik­skóla sem tryggja inn­göngu strax í kjöl­far fæð­ing­ar­or­lofs. Ég vil borg­ar­um­hverfi sem styður við fjöl­breyti­leika mann­lífs­ins – og laðar að sér hæfi­leika­fólk með úrvali atvinnu­tæki­færa, lif­andi menn­ingu, spenn­andi búsetu­kostum og greiðum sam­göngum fyrir alla.“

Hún seg­ist enn fremur vilja borg sem ryður veg­inn fyrir þá sem vilja sækja fram og styður við hug­mynda­auðgi og verð­mæta­sköpun. „Umhverf­is­væna höf­uð­borg sem bygg­ist á frjálsum val­kostum, jöfnum tæki­færum, frjálsu fram­taki og hag­kvæmum rekstri. Ég vil lif­andi smá­borg með heims­borg­ar­hjarta - frjálsa og blóm­strandi — Reykja­vík sem virkar.“