Hjónabönd samkynhneigðra eru nú lögleg alls staðar í Bandaríkjunum, eftir að Hæstiréttur Bandaríkjanna komst að þeirri niðurstöðu fyrir skömmu að tilraunir ríkja til að banna þau brjóti í bága við stjórnarskránna.
Málið er gríðarlegur áfangi í réttindabaráttu hinsegin fólks. Fimm dómarar gegn fjórum komust að þessari niðurstöðu. Barack Obama Bandaríkjaforseti hefur þegar fagnað dómi hæstaréttar.
Today is a big step in our march toward equality. Gay and lesbian couples now have the right to marry, just like anyone else. #LoveWins
— President Obama (@POTUS) June 26, 2015
Fyrir dóminn í dag gáfu 37 ríki út hjónavígsluvottorð fyrir samkynhneigða. Mörg þeirra nýju ríkja sem það gerðu hefðu getað hætt því ef dómurinn hefði verið á annan veg, enda höfðu þau aðeins verið að bregðast við úrskurðum á lægri dómsstigum. Ef Hæstiréttur hefði komist að annarri niðurstöðu í dag hefði þeim dómum öllum verið snúið. Nú munu hins vegar öll ríki Bandaríkjanna þurfa að gefa út hjónavígsluvottorð.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir