Hreinn Loftsson, sem varð annar aðstoðarmanna Áslaugar Örnu Sigurbjörnsdóttur eftir að hún settist í dómsmálaráðuneytið árið 2019, mun halda áfram að starfa í því ráðuneyti þrátt fyrir að Áslaug Arna sé komin annað.
Á vef stjórnarráðsins í dag er greint frá því að Hreinn verði aðstoðarmaður Jóns Gunnarssonar, sem tók við embætti innanríkisráðherra, sem fer með dómsmál, á sunnudag.
[adspot]Hreinn lauk laganámi við Háskóla Íslands árið 1983 og öðlaðist réttindi til málflutnings fyrir Hæstarétti árið 1993. Hann á að baki fjölbreyttan feril í lögmennsku, atvinnulífi, stjórnsýslu og sem aðstoðarmaður ráðherra í nokkrum ráðuneytum frá árinu 1985 til 1992. Hann var meðal annars aðstoðarmaður Davíðs Oddssonar þáverandi forsætisráðherra og var formaður framkvæmdanefndar um einkavæðingu um nokkurt skeið í kringum síðustu aldamót. Hreinn gegndi einnig stjórnarformennsku í fjárfestingarfélaginu Baugi um tíma og sat líka sem óbreyttur stjórnarmaður þar , en það fór í þrot eftir bankahrunið.
Í nóvember 2008 keypti Hreinn útgáfufélagið Birting, sem átti á þeim tíma DV. Hann seldi sig síðar út úr útgáfustarfseminni.
Frá 2014 og þangað til að hann tók við sem aðstoðarmaður Áslaugar Örnu starfað Hreinn sjálfstætt. Hreinn hefur setið í stjórnum fjölmargra fyrirtækja, nefnda og félaga, auk starfs á vettvangi stjórnmála.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
kosningar2021
Ásmundur Einar Daðason staðið sig best allra ráðherra – Bjarni Benediktsson langverst
Samfylkingin ekki stærri hjá Gallup í tólf ár en Vinstri græn hafa aldrei mælst minni
42,1 prósent innflytjenda greiddu atkvæði í síðustu alþingiskosningum
Allir formenn stjórnarflokkanna tapað umtalsverðu trausti á kjörtímabilinu
Tíð ríkisstjórnarskipti og kórónuveiran hafa stóraukið nýtingu fjáraukalaga
Athugasemdir