S. Björn Blöndal, oddviti Bjartrar framtíðar í borgarstjórn Reykjavíkur, ætlar ekki að gefa kost á sér í komandi borgarstjórnarkosningunum vorið 2018. Hann tilkynnti þetta á borgarstjórnarfundi síðdegis í dag.
[links]Á vef RÚV er haft eftir Birni að sú fjárhagsáætlun sem nú er til umræðu sé sú síðasta sem hann muni koma að í bili vegna þess að hann ætli ekki að bjóða sig fram á næsta kjörtímabili. „„Ég er ekki að lofa því að ég sé farinn að eilífu. Af því að kannski kem ég aftur einhvern tímann ef þið sem eftir sitjið ætlið að fara að klúðra einhverja þá verð ég bara að segja eins og Arnold Schwarzenegger: I‘ll be back.“
Miklar breytingar verða í borgarpólitíkinni á komandi vori. Áður höfðu bæði Halldór Halldórsson, oddviti Sjálfstæðisflokksins, og Halldór Auðar Svansson, oddviti Pírata, tilkynnt að þeir ætli sér ekki fram í næstu kosningum og Sveinbjörg Birna Sveinbjörnsdóttir, sem var oddviti Framsóknar og flugvallarvina, sagt sig úr Framsóknarflokknum.
[adspot]Næsti maður á þeim lista var Guðfinna Jóhanna Guðmundsdóttir sem gengin er í Miðflokkinn. Haustið 2016 hætti svo Sóley Tómasdóttir, oddviti Vinstri grænna og þáverandi forseti borgarstjórnar, í borgarstjórn.
Dagur B. Eggertsson borgarstjóri hefur hins vegar greint frá því að hann ætli að bjóða sig aftur fram í vor. Hann verður því eini oddviti flokkanna sex sem náðu inn í borgarstjórn árið 2014 sem verður þar í framboði.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir