Tæplega helmingur ferðamanna, sem tók þátt í nýrri könnun sem Gallup gerði fyrir Landsvirkjun, lýsti yfir áhuga á að heimsækja gestastofu í aflstöðu í næstu heimsókn sinni til Íslands og 37 prósent töldu að aukin vinnsla endurnýjanlegrar orku á Íslandi myndi auka líkurnar á því að þau heimsæktu Ísland á ný. Þá kom fram að 97 prósent erlendu ferðamannanna voru jákvæð í garð endurnýjanlegrar orku hér á landi og 93 prósent höfðu tekið eftir orkuvinnslu með endurnýjanlegum orkugjöfum í heimsókn sinni. Þrír af hverjum fjórum sögðu að vinnsa endurnýjanlegrar orku hefði haft jákvæð áhrif á það hvernig þeir upplifðu íslenskra náttúru.
Ferðamennirnir voru ekki spurðir um afstöðu sína til einstakra virkjanaáforma heldur einungis núverandi orkuvinnslu. Í tilkynningu frá Landsvirkjun segir að fyrirtækið hafi í hyggju að láta vinna frekari kannanir á afstöðu erlendra ferðamanna til þeirra virkjana sem þegar hafa verið reistar.
Telur að tækifæri séu í orkutengdri ferðaþjónustu
Landsvirkjun telur könnunina sýna að tækifæri séu fyrir hendi í orkutengdri ferðaþjónustu á næstu misserum og árum. Fyrir liggi að aflstöðvar og rekstur tengdur þeimm, njóti þegar vinsælda hjá ferðamönnum. Dæmi um það séu eru Bláa lónið, jarðböðin í Mývatnssveit, Hellisheiðarvirkjun, orkusýningin í Reykjanesvirkjun og gestastofur Landsvirkjunar í Ljósafossstöð, Búrfellsstöð, Kröflustöð og Kárahnjúkastífla.
Hörður Arnarson, forstjóri Landsvirkjunar, segir að könnunin staðfesti það sem haldið hefur verið fram um að ímynd Íslands sé samofin endurnýjanlegri orkuvinnslu. „Ísland er land grænnar orku í augum ferðamanna, sem finnst mikið til þess koma að öll okkar orkuvinnsla fari fram með endurnýjanlegum hætti.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.












































Athugasemdir