Jón segist hafa verið forvitinn um hvort það væri hasar

Jón Gunn­ars­son þing­maður Sjálf­stæð­is­flokks segir að hann taki undir það að sím­tal Guð­mundar Inga Guð­brands­sonar félags­mála­ráð­herra til rík­is­lög­reglu­stjóra hafi verið óeðli­legt. Hann sjálfur hafi hins vegar ein­ungis verið að leita upp­lýs­inga hjá rík­is­lög­reglu­stjóra og kanna hvort það væri ein­hver hasar í gangi.

Jón Gunnarsson
Jón Gunn­ars­son Ráð­herr­ann fyrr­ver­andi seg­ist hafa ákveðið að hringja í rík­is­lög­reglu­stjóra til að fá upp­lýs­ingar um hvort ein­hverjir erf­ið­leikar eða hasar hafi verið í tengslum við þá fyr­ir­hug­aða brott­vísun Yazans Tamimi. Mynd: Heiða Helgadóttir

Jón Gunn­ars­son, þing­maður Sjálf­stæð­is­flokks­ins, segir að sím­tal hans til rík­is­lög­reglu­stjóra að morgni dags 16. sept­em­ber, þegar brott­vísun Yazans Tamimi og fjöl­skyldu hans stóð yfir, hafi verið vegna þess að hann „vildi fá upp­lýs­ingar“ um hvort málið gengi ekki bara ágæt­lega og hvort „ein­hverjir erf­ið­leikar“ eða „mik­ill hasar“ væri uppi í tengslum við málið. 

Þetta kemur allt fram í sam­tali hans við mbl.is, en þar segir Jón, sem er fyrr­ver­andi dóms­mála­ráð­herra, að hann hafi ekki verið að „reyna að hafa áhrif á þetta mál með neinum hætti“.

„Ég er fyrr­ver­andi dóms­mála­ráð­herra og hef síma­núm­er rík­is­lög­reglu­stjóra. Ég var því ein­fald­lega að reyna að fá upp­lýs­ing­ar um það hvort mik­ill has­ar væri í kring­um þetta,“ sagði Jón í sam­tali við mbl.is, en jafn­framt að rík­is­lög­reglu­stjóri hafi tjáð honum að málið væri í far­vegi og hún gæti ekk­ert upp­lýst hann um það. 

Heim­ildin sagði frá því í morgun að bæði Jón og Áslaug Arna Sig­ur­björns­dóttir hefðu hringt í Sigríði Björk Guð­jóns­dóttur rík­is­lög­reglu­stjóra vegna þessa máls. Áður hafði ein­ungis komið fram að Guð­mundur Ingi Guð­brands­son félags­mála­ráð­herra hefði gert það, auk svo auð­vitað dóms­mála­ráð­herr­ans Guðrúnar Haf­steins­dóttur, sett sig í beint sam­band við rík­is­lög­reglu­stjóra þennan morgun.

Jón hefur ekki svarað skrif­legri fyr­ir­spurn Heim­ild­ar­innar vegna máls­ins. Það gerði Áslaug Arna heldur ekki, en hún tjáði sig um málið í stuttri færslu á Facebook í dag.

Telur einhvernveginn eðlilegra að óbreyttur þingmaður en ráðherra hafi samband

Jón Gunn­ars­son segir hins­vegar við mbl.is, þegar blaða­maður mið­ils­ins rifjar upp að Bjarni Bene­dikts­son for­sæt­is­ráð­herra hafi sagt sím­tal Guð­mundar Inga til rík­is­lög­reglu­stjóra óeðli­legt, að hann telji það fremur við­eig­andi fyrir óbreytta þing­menn en ráð­herra í rík­is­stjórn að setja sig í sam­band við rík­is­lög­reglu­stjóra vegna mála af þessu tagi: 

„Að mínu viti þá er svo­lítið annað þegar ráð­herr­ar í rík­is­stjórn eru að fara inn í við­kvæma stöðu eins og þessa. Emb­ætt­is­menn hafa fyrst og fremst upp­lýs­inga­skyld­ur gagn­vart sín­um ráð­herra og taka við fyr­ir­mæl­um, eða taka ákv­arð­anir í sam­ræmi við þá ef svo ber und­ir. Ég tek því al­gjör­lega und­ir þá gagn­rýni sem þar kom fram. Ég var hins veg­ar sem al­menn­ur þing­maður að hringja til að spyrja um stöðu mála. Fá upp­lýs­ing­ar um það hvort þarna væru ein­hver vanda­mál eins og ég hafði sjálf­ur upp­lifað í ráðu­neyt­inu í þess­um við­kvæmu mál­um,“ hefur mbl.is eftir Jóni.

„Óheppilegt hvernig mál röðuðust þennan morgun“

Bjarni Bene­dikts­son for­sæt­is­ráð­herra tjáði sig um þessi sím­töl til rík­is­lög­reglu­stjóra þennan örlaga­ríka morgun í sam­tali við RÚV fyrr í dag og sagði þá að það væri „óeðli­legt að á þessum tíma dags sé verið að hringja í rík­is­lög­reglu­stjóra, höfum það á hreinu, ég hef sagt það áður.“

„Það skiptir máli hvað kemur fram í slíkum sam­tölum og að allir skilji að það er dóms­mála­ráð­herra sem fer með þann mála­flokk sem rík­is­lög­reglu­stjóri er að sinna og hann á ekki að þurfa að finna fyrir þrýst­ingi frá neinum öðrum en þeim ráð­herra sem hefur eft­ir­lits­skyldur með kerf­inu. Það er þetta sem mér finnst aðal­at­riði máls en mér finnst óheppi­legt hvernig mál röð­uð­ust þennan morgun,“ sagði Bjarni. 

Kjósa
11
Hvernig finnst þér þessi grein? Skráðu þig inn til að kjósa.

Veistu meira?

Athugasemdir (1)

Skráðu þig inn til að skrifa athugasemd eða kjósa.
  • Ásgeir Överby skrifaði
    " Ég var hins veg­ar sem al­menn­ur þingmaður að hringja til að spyrja um stöðu mála."
    Þingmaður hefur ekki meiri rétt á upplýsingum frá lögreglustjóra en Pétur og Páll. Hann getur spurt dómsmálaráðherra um stöðu mála, ekkert umfram það. Almenningur getur ekki hringt á stöðina og spurt hvað hafi verið um að vera í nótt. Það sama gildir um þingmenn.
    3
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
5
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár