Samfylkingin stærsti flokkurinn hjá Gallup í fyrsta sinn síðan 2009

Grænu flokk­arnir í rík­is­stjórn hafa tapað miklu fylgi það sem af er kjör­tíma­bili og hafa ekki mælst minni síðan það hófst. Sjálf­stæð­is­flokk­ur­inn er í námunda við kjör­fylgi sitt en mælist ekki lengur stærsti flokkur lands­ins. Rík­is­stjórnin mælist kol­fallin.

Formaður
Formaður Frá því að Kristrún Frosta­dóttir tók við for­mennsku í Sam­fylk­ing­unni í fyrra­haust hefur fylgi flokks­ins vaxið hratt. Mynd: Heiða Helgadóttir

Sam­fylk­ingin mælist með 25,3 pró­sent fylgi í nýj­ustu könnun Gallup og þar með stærsti flokkur lands­ins. Fylgi Sam­fylk­ing­ar­innar hefur ekki mælst meira síðan í nóv­em­ber 2009, eða í rúm­lega 13 ár. Þá sat flokk­ur­inn í rík­is­stjórn með Vinstri grænum og Jóhanna Sig­urð­ar­dótt­ir, þáver­andi for­maður Sam­fylk­ing­ar­inn­ar, var for­sæt­is­ráð­herra. Þetta er auk þess í fyrsta sinn síðan í maí 2009 sem flokk­ur­inn mælist stærstur allra stjórn­mála­flokka á land­inu. 

Fylgi flokks­ins hefur farið hratt upp á við eftir að Kristrún Frosta­dóttir til­kynnti um for­manns­fram­boð í Sam­fylk­ing­unni í ágúst 2022, en hún var kjörin for­maður flokks­ins í októ­ber. Alls mælist Sam­fylk­ingin nú með 15,4 pró­sentu­stigum meira fylgi en flokk­ur­inn fékk í kosn­ing­unum í sept­em­ber 2021.

Sjálf­stæð­is­flokk­ur­inn mælist oft­ast stærsti flokkur lands­ins. Síðast þegar hann missti þá stöðu var í aðdrag­anda haust­kosn­ing­anna 2017, þegar Vinstri græn skriðu fyrir ofan hann. Þá var mun­ur­inn þó innan skekkju­marka. Svo er ekki nú. Sjálf­stæð­is­flokk­ur­inn mælist með 23,5 pró­sent fylgi, eða 1,8 pró­sentu­stigi minna en Sam­fylk­ingin. Það er auk þess 0,9 pró­sentu­stigum minna fylgi en flokkur Bjarna Bene­dikts­sonar fékk í síð­ustu kosn­ingum. 

Vinstri græn og Framsókn í vanda

Í sam­an­burði við hina flokk­anna sem mynda rík­is­stjórn má Sjálf­stæð­is­flokk­ur­inn þó vel við una. Vinstri græn, flokkur Katrínar Jak­obs­dóttur for­sæt­is­ráð­herra, mælist annan mán­uð­inn í röð með 6,8 pró­sent fylgi. Það er minnsta fylgi sem flokk­ur­inn hefur nokkru sinni mælst með í könn­unum Gallup, en þær ná aftur til 2004. Vinstri græn hafa tapað 5,8 pró­sentu­stigum frá haustinu 2021. Einungis einn flokkur á þingi hefur tapað meiru fylgi frá síð­ustu kosn­ingum og Vinstri græn mæl­ast nú sjötti stærsti flokk­ur­inn á þing­i. 

Sá flokkur er Fram­sókn­ar­flokk­ur­inn. Hann hefur alls tapað sex pró­sentu­stigum frá því að kosið var síð­ast og mælist nú með 11,3 pró­sent fylgi. Það er minnsta fylgi sem flokkur Sig­urðar Inga Jóhanns­sonar hefur mælst með á yfir­stand­andi kjör­tíma­bil­i. 

Sam­an­lagt hafa stjórn­ar­flokk­arnir tapað 12,7 pró­sentu­stigum sam­kvæmt Gallup. Það þýðir að Sam­fylk­ingin hefur bætt við sig 2,7 pró­sentu­stigi meira af fylgi en flokk­arnir þrír sem sitja að völdum hafa tap­að. 

Sam­an­lagt fylgi rík­is­stjórn­ar­flokk­anna er 41,6 pró­sent sem þýðir að hún myndi ekki ná meiri­hluta á þingi og myndi því falla ef kosið yrði í dag, sam­kvæmt nið­ur­stöðu Gallup. 

Viðreisn og Flokkur fólksins undir kjörfylgi

Þrír aðrir flokkar utan Sam­fylk­ing­ar­innar hafa bætt við sig fylgi á yfir­stand­andi kjör­tíma­bili. Píratar mæl­ast með 10,4 pró­sent, Sós­í­alista­flokkur Íslands með 4,4 pró­sent og Mið­flokk­ur­inn með 5,5 pró­sent, sem er þó ein­ungis 0,1 pró­sentu­stigum yfir kjör­fylgi hans. 

Fylgi Við­reisnar mælist 7,3 pró­sent, eða einu pró­sentu­stigi undir kjör­fylgi, og Flokkur fólks­ins mælist með 5,5 pró­sent, sem er 3,3 pró­sentu­stigum minna en flokk­ur­inn fékk í sept­em­ber 2021. 

Stuðn­ingur við rík­is­stjórn­ina dalar milli mán­aða og mælist nú um 46 pró­sent. 

Könnunin fór fram á net­inu 6. til 31. jan­úar. Heild­ar­úr­tak var 9.842 og 48,5 pró­sent tóku þátt. Vikmörk við fylgi flokka eru +/- 1,4 pró­sent. 16,5 pró­sent tóku ekki afstöðu eða vildu ekki svara og 9,3% sögð­ust myndu skila auðu eða ekki kjósa. 74,2 pró­sent nefndu flokk. Ein­stak­lingar í úrtaki voru handa­hófs­valdir úr við­horfa­hópi Gallup.

Kjósa
10
Hvernig finnst þér þessi grein? Skráðu þig inn til að kjósa.

Veistu meira?

Athugasemdir (1)

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár