16. desember 2020 1) Verða hvít eða rauð jól á Raufar­höfn? F: Rauð. 2) Hvað borð­ar þú í morg­un­mat á jóla­dags­morg­un? F: Eft­ir­rétti sem skild­ir hafa ver­ið eft­ir á jóla­borð­inu. 3) Hvaða spil spil­ar þú þessi jól? F: Spila bara hand­spil með stokk. 4) Hvaða jóla­gjöf gef­ur þú þér í ár? F: Þær eru allt of marg­ar og DÝR­AR. 5) Hvernig fer Li­verpool-Totten­ham leik­ur­inn í kvöld? F: 1-1 fyr­ir Li­verpool.

15. desember 2020 Í skýrslu sem fugla­fræð­ing­arn­ir Jó­hann Óli Hilm­ars­son og Ólaf­ur K. Niel­sen birtu nú í vor, kom fram að ástandi Tjarn­ar­inn­ar hefði hnign­að síð­ast­lið­in 15 ár. Helstu ástæð­urn­ar er fæðu­skort­ur, afrán, lé­leg af­koma and­ar­unga og hnign­un bú­svæða í og við Reykja­vík­urtjörn. Á síð­ustu ár­um hafa orð­ið mikl­ar breyt­ing­ar á líf­rík­inu, marfló­in er horf­in og mý­ið að mestu leyti. Síð­an herja hrafn­ar, máv­ar og kett­ir á fugl­ana. Þeir leggja til í skýrslu sinni að ráð­inn verði sér­stak­ur fugla­eft­ir­lits­mað­ur, sem sinn­ir dag­leg­um þörf­um fið­ur­klæddu íbúa Tjarn­ar­inn­ar.

14. desember 2020 Gleði­leg jól, heit­ir sýn­ing tæp­lega 110 lista­manna sem er nú Ásmund­ar­sal, sem Prent & vin­ir hafa veg og vanda af. Fremst á mynd­inni er verk­ið Hæl­spyrna eft­ir þær stöll­ur í Gjörn­inga­klúbbn­um, Eirúnu Sig­urð­ar­dótt­ur og Jóní Jóns­dótt­ur. Sýn­ing­in stend­ur fram á Þor­láks­messu en vegna sam­komutak­mark­anna þarf að panta tíma til að sjá og upp­lifa þessa skemmti­legu ár­legu sölu­sýn­ingu.

12. desember 2020 Á síð­ustu tíu ár­um hef­ur sala á mynda­vél­um hrun­ið um 87%, úr 121,5 millj­ón­um ein­tök­um seld­um ár­ið 2010 í 15,2 millj­ón­ir á síð­asta ári. Allt fjand­ans farsím­an­um að kenna.

11. desember 2020 Seyð­is­fjörð­ur geng­ur suð­ur úr Ísa­fjarð­ar­djúpi og ligg­ur á milli Álfta­fjarð­ar og Hest­fjarð­ar. Þar er kirkju­stað­ur­inn Eyri und­ir Hesti, 540 metra háu fjalli sem skil­ur að firð­ina. Djúp­veg­ur­inn, sem tengdi Ísa­fjörð við Strand­ir og áfram suð­ur, var lagð­ur í Seyð­is­firði ár­ið 1975.

10. desember 2020 Raf­skút­ur í Reykja­vík­ur­borg voru hvorki fleiri né færri en 1.100 þeg­ar mest var í haust. Eins snið­ug­ur og þessi ferða­máti er, þá þarf nauð­syn­lega að setja betra reglu­verk um raf­skút­urn­ar, sem marg­ar hverj­ar eru skild­ar eft­ir á óheppi­leg­um stöð­um bæði fyr­ir hjólandi og gang­andi veg­far­end­ur. Það eru fjög­ur fyr­ir­tæki sem keppa um mark­að­inn hér í Reykja­vík og heita þau öll ramm­ís­lensk­um nöfn­um: Zolo, Hopp, Wind og Kikk.

9. desember 2020 „Un­að­ur er heilandi og sjálfs­fró­un er besta leið­in til þess að róa tauga­kerf­ið og auka gleði­horm­ón­in.“ seg­ir Rósa María Ósk­ars­dótt­ir, Bo­dysex leið­bein­andi með meiru. „Á nám­skeið­inu kom­um við sam­an nakt­ar og los­um okk­ur við nei­kvæð­ar lík­ams­ímynd­ir, til að blómstra kyn­ferð­is­lega.“ Haf­ir þú áhuga á að kom­ast í tæri við þessa gleði, má geta þess að Rósa María, ásamt femín­íska lista­hópn­um AF­SAK­IÐ, er að vinna að sýn­ingu sem opn­ar í Ásmund­ar­sal strax á nýju ári.

8. desember 2020 Það er erfitt fyr­ir full­frísk­an ein­stak­ling að drukkna í Tjörn­inni, þar sem hún er ein­ung­is 50cm djúp. Tjörn­in er griðland fugla en þar stoppa við hátt í 50 teg­und­ir til lengri eða skemmri tíma. Þar af eru sjö anda­teg­und­ir sem verpa í og við Tjörn­ina, auk þess verpa þar bæði álft­ir og krí­ur. Á viss­um tíma, líkt og nú, eru síla­mávarn­ir mjög áber­andi, ásamt ör­fá­um svart­bök­um. Fyr­ir­ferða­mest­ar eru þó braut­met­is-sólgnu grá­gæs­irn­ar.

7. desember 2020 Það er fátt nota­legra nú á að­vent­unni en leggja leið sína nið­ur í mið­bæ og kíkja í búð­ar­glugga, sjá eitt­hvað fal­legt til að gefa vin­um og fjöl­skyldu. En versl­un­ar­mynstr­ið hjá okk­ur er að breyt­ast hratt. Sam­kvæmt nýrri könn­un Zenter rann­sókna ætla sex af hverj­um tíu Ís­lend­ing­um að versla jóla­gjaf­irn­ar á net­inu þetta ár­ið. Ann­að sem hef­ur breyst mik­ið frá í fyrra, er að hlut­fall milli er­lendra og inn­lendra vef­versl­ana er nú hníf­jafnt. Send­ing­ar hjá Póst­in­um vegna inn­lendr­ar net­versl­un­ar juk­ust um 120% nú í nóv­em­ber, á með­an pakk­ar frá er­lend­um vef­versl­un­um dróg­ust ör­lít­ið sam­an milli ára.

4. desember 2020 Ár­ið 1906 kom sím­inn til Ís­lands, nán­ar til­tek­ið til Seyð­is­fjarð­ar með sæ­streng frá Skotlandi, í gegn­um Fær­eyj­ar. Bænd­ur fjöl­menntu til Reykja­vík­ur það ár, til að mót­mæla lagn­ingu síma­línu þvert í gegn­um sveit­ir lands­ins - þeir höfðu nefni­lega trölla­trú á því að sím­inn yrði fljót­lega þráð­laus. Það kom líka á dag­inn, reynd­ar átta­tíu ár­um seinna. Í dag eru 115.992 með virk­ar fast­línu­áskrift­ir (stór hluti fyr­ir­tæki) og hvorki fleiri né færri en 475.842 farsíma­núm­er eru í notk­un hjá þjóð sem tel­ur bara 360 þús­und sál­ir.

3. desember 2020 „Já, ég er að reyna að vera al­var­leg á mynd­um,“ seg­ir Auð­ur Jóns­dótt­ir rit­höf­und­ur þeg­ar ég hitti hana glað­lega fyr­ir til­vilj­un nið­ur í bæ í morg­un. Og nýja bók­in, 107 Reykja­vík? „ Al­gjör­lega heið­ar­leg­ur farsi." En þetta er tólfta bók Auð­ar og skrif­uð með dís­inni, Birnu Önnu Björns­dótt­ir. „Eins og ganga með barn sam­an.“ svar­ar Auð­ur þeg­ar ég spyr hvern­ing það sé að skrifa bók með öðr­um.

2. desember 2020 Bessastaða­bónd­inn fékk í dag fjóra tíma og fimm­tíu og fimm mín­út­ur af sól. Sól­ar­upp­rás á Álfta­nes­inu í morg­un var klukk­an 10:49 og sett­ist rétt vest­an við Keili á Reykja­nes­inu klukk­an 15:44. Í dag eru rétt­ar þrjár vik­ur í vetr­ar­sól­stöð­ur, eft­ir það er bjart­ara framund­an. Miklu, meira að segja.

1. desember 2020 Lög­reglu­menn, lása­smið­ir og lækn­ar á Land­spít­al­an­um Há­skóla­sjúkra­húsi eru að­eins part­ur þeirra mörgu starfs­stétta sem halda sam­fé­lag­inu gang­andi, all­an sóla­hring­inn. Alltaf á vakt. Á Land­spít­al­an­um eru um eitt þús­und starfs­menn í ótal starfs­grein­um sem halda starf­sem­inni gang­andi á nótt­unni. Ein þeirra er Jewelly frá Fil­ipps­eyj­um. Hún hef­ur unn­ið þar í þrjú ár og pass­ar upp á að öll­um líði vel. Ómet­an­legt fyr­ir þá mörgu gesti, hvort sem þeir stoppa stutt eða lengi.

30. nóvember 2020 Reynd­ar heit­ir kött­ur­inn á mynd­inni ekki Valli, held­ur Loð­vík eft­ir sól­kon­ungn­um og frænda sín­um, þeim XIV. Sam­kvæmt Vís­inda­vefn­um er ekki vit­að hve marg­ir kett­ir eiga lög­heim­ili hér í lýð­veld­inu en hrein ágisk­un hjá þeim er um 20.000 kett­ir. Það er nefni­lega því mið­ur ekki til neitt katta­tal hér á landi.

27. nóvember 2020 Þið kann­ist við jóla­kött­inn, sá kött­ur var gríð­ar­stór. Fólk vissi ekki hvað­an hann kom eða hvert hann fór. Hann glennti upp glyrn­urn­ar sín­ar, gló­andi báð­ar tvær. Það var ekki heigl­um hent að horfa í þær. Jóla­kött­inn orti Jó­hann­es úr Kötl­um ár­ið 1932 og nú er hann kom­inn í allri sinni dýrð, 88 ár­um síð­ar, nið­ur á Lækj­ar­torg, skreytt­ur 6.499 per­um til að lýsa upp svart­asta skamm­deg­ið.