14. júlí 2022 Guðjón Reyn­is­son, stjórn­ar­for­maður almenn­ings­hluta­fé­lags­ins Festar, var end­ur­kjör­inn í stjórn­ina á hlut­hafa­fundi félags­ins sem fram fór í dag. Hann var í kjöl­farið skip­aður for­maður af nýrri stjórn sem fund­aði strax að loknum hlut­hafa­fundi.

13. júlí 2022 „Mér finnst, enn sem komið er, þetta ekki líta vel út,“ segir Vil­hjálmur Árnason, for­maður umhverfis- og sam­göngu­nefndar Alþingis um íslenska plastið sem fannst í miklu magni í vöru­skemmu í Svíþjóð í fyrra og við­brögð sendi­nefndar og stjórnar Úrvinnslu­sjóðs við fréttum Stund­ar­innar af því. Vil­hjálmur hyggst óska eftir því að stjórn Úrvinnslu­sjóðs og nefndin sem fór í vett­vangs­ferð í vöru­skemm­una og skil­aði að því loknu skýrslu, komi fyrir nefnd­ina.

12. júlí 2022 Dæmi eru um að fólk þurfi að bíða í þrjá mán­uði eftir að fá tíma hjá heim­il­is­lækni á höf­uð­borg­ar­svæð­inu. Ragn­heiður Ósk Erlends­dóttir fram­kvæmda­stjóri hjúkr­unar hjá Heilsu­gæslu höf­uð­borg­ar­svæð­is­ins segir ástandið í öllu heil­brigð­is­kerf­inu ill­við­ráð­an­legt yfir sum­ar­tím­ann og heilsu­gæslan sé því á „hálfu gasi“. Allri bráða­þjón­ustu sé sinnt. „Ef það eru vanda­mál sem geta beðið þá bíða þau,“ segir Ragn­heiður sem telur að þetta ástand geti varað fram á haust, hið minnsta.

11. júlí 2022 Formaður Land­verndar gagn­rýnir vinnu­brögð sendi­nefndar sem átti að rann­saka íslenska plastið sem sent var til Sví­þjóðar árið 2016 og situr þar enn í vöru­húsi. Hann segir að það dragi mjög úr trú­verð­ug­leika rann­sókn­ar­innar að hún hafi verið fram­kvæmd af fólki sem eigi hags­muna að gæta.

8. júlí 2022 Japanska þjóðin er í áfalli eftir að Shinzo Abe, fyrr­ver­andi for­sæt­is­ráð­herra og sá þaul­setn­asti í sögu lands­ins, var ráð­inn af dögum á kosn­inga­fundi með heima­gerðu skot­vopni. Slíkir glæpir eru nán­ast óþekktir í Japan vegna strangrar skot­vopna­lög­gjafar. Á meðan vara frétta­skýrendur við að upp­hefja emb­ætt­is­tíð hans, sem hafi verið umdeild, og kín­verskir net­verjar fagna morð­inu ákaft á sam­fé­lags­miðlum án þess að yfir­völd þar rit­skoði slík skila­boð.

8. júlí 2022 Flugið er að ná sér eftir sam­drátt­inn sem varð í heims­far­aldr­inum segir alþjóða­flug­mála­stofn­unin. Stofn­unin segir að fullum „bata“ verði náð eftir tvö ár og að óbreyttu verði met slegið í far­þega­flugi árið 2025. Losun gróð­ur­húsa­loft­teg­unda vegna flug­rekst­urs fjór­fald­að­ist á milli áranna 2021 og 2022 á Íslandi ef miðað er við fyrsta árs­fjórð­ung.

8. júlí 2022 Vigdís Hauks­dóttir, fyrr­ver­andi odd­viti Mið­flokks­ins í borg­ar­stjórn, er meðal umsækj­enda um starf sveit­ar­stjóra Skaft­ár­hrepps. Það er Ómar Már Jónsson, sem tók við sem odd­viti Mið­flokks­ins fyrir síð­ustu kosn­ingar, einnig.

7. júlí 2022 Klara Elí­as­dóttir tón­list­ar­kona segir að útlits­kröfur sem gerðar voru til hennar þegar frægð­ar­sól hljóm­sveit­ar­innar The Charlies reis sem hæst í Banda­ríkj­unum hafi verið galnar. Þær hafi valdið henni mik­illi van­líðan og hún hafi verið mörg ár að ná fyrri styrk. Hún seg­ist ást­fangin af Íslandi eftir að hafa búið í 11 ár í Banda­ríkj­unum og er afar stolt af því að vera önnur konan í sög­unni til að semja þjóð­há­tíð­ar­lag en samin hafa verið lög sér­stak­lega fyrir þjóð­há­tíð í Eyjum í 89 ár.

7. júlí 2022 Lög­reglan hefur tekið skýrslu af Vítalíu Lazarevu vegna kæru hennar gegn Þórði Má Jóhann­essyni, Hregg­viði Jónssyni og Ara Edwald fyrir kyn­ferð­is­brot. Lögmenn þeirra full­yrtu nýverið að engin kæra hefði verið lögð fram gegn þeim. Þeir hafa kært hana og Arnar Grant fyrir fjár­kúgun.

7. júlí 2022 Breski for­sæt­is­ráð­herr­ann Boris Johnson virð­ist fall­inn nú þegar met­fjöldi ráð­herra hafa sagt af sér í mót­mæla­skyni við leið­tog­ann. Eftir hvern skandal­inn á eftir öðrum virð­ist mælir­inn loks fullur hjá þing­mönnum Íhalds­flokks­ins.

6. júlí 2022 Vigdís Hauks­dóttir, fyrr­ver­andi borg­ar­full­trúi Mið­flokks­ins, Karl Gauti Hjalta­son, fyrr­ver­andi þing­maður flokks­ins, og þrír fyrr­ver­andi bæj­ar­stjórar sem misstu stöður sínar eftir síð­ustu kosn­ingar vilja bæj­ar­stjóra­stól­inn í Hvera­gerði. Nýr meiri­hluti í bænum ákvað að aug­lýsa stöð­una.

6. júlí 2022 Sundrung hf verður nýtt nafn almenn­ings­hluta­fé­lags­ins Festi hf sam­kvæmt til­lögu sem liggur fyrir hlut­hafa­fundi félags­ins sem fram fer í næstu viku. Festi á og rekur meðal ann­ars Krónu­versl­an­irnar og N1. Styr hefur staðið um félagið, sem er að langstærstum hluta í eigu íslenskra líf­eyr­is­sjóða, eftir að for­stjór­anum var sagt upp störfum.

5. júlí 2022 Björgólfur Jóhanns­son, sem leysti Þorstein Má Bald­vins­son af hólmi eftir upp­ljóstrun Sam­herj­a­skjal­anna, er einn þeirra sem er til­nefndur til að sitja í stjórn Festar. Vísað er til „sterkrar sam­fé­lags­vit­undar“ hans í umsögn til­nefn­ing­ar­nefndar fyr­ir­tæk­is­ins. Nefndin telur sið­ferði og sam­fé­lags­vit­und sér­stak­lega mik­il­væg nú.

4. júlí 2022 Rekstur Morg­un­blaðs­ins skil­aði 113 millj­óna króna tapi á síð­asta ári. Útgáfu­fé­lag blaðs­ins, Árvakur, skil­aði þó um 110 millj­óna hagn­aði vegna hlut­deildar í hagn­aði prent­smiðju félags­ins og Póst­dreif­ingar.