Enn vanti sjálfstætt eftirlit með lögreglu

Raun­veru­lega sjálf­stætt eft­ir­lit með störfum lög­reglu skortir enn á Íslandi, enda hefur eft­ir­lits­nefndin sem sett var á fót með lögum árið 2016 hvorki heim­ildir né fjár­magn til rann­sókna og beit­ingu við­ur­laga. Þetta er mat þing­manna Pírata sem hafa lagt fram þings­á­lykt­un­ar­til­lögu um að stofnuð verði sér­stök eft­ir­lits­stofnun á vegum Alþingis sem hafi eft­ir­lit með lög­regl­unni. Þannig megi tryggja sjálf­stæði rann­sak­enda frá hand­höfum alls­herj­ar­valds. 

Að mati þing­mann­anna stenst eft­ir­lit með lög­reglu á Íslandi illa þær kröfur sem leiða af Mann­rétt­inda­sátt­mála Evrópu, enda hafi Mann­rétt­inda­dóm­stóll Evrópu lagt áherslu á að við rann­sóknir á vald­beit­ingu og rétt­mæti hennar þurfi rann­sókn­ar­að­ili að vera með öllu sjálf­stæður og ótengdur rann­sókn­ar­þola; dugi þá ekki að við­kom­andi sé aðskil­inn stjórn­sýslu­legu skipu­riti þeirrar greinar rík­is­valds­ins sem er til rann­sóknar heldur þurfi aðil­inn „einnig að vera ótengdur henni í raun“. 

Meg­in­hlut­verk þeirrar nefndar um eft­ir­lit með lög­reglu sem nú starfar er að greina erindi, koma kvört­unum og …