Það er löng hefð að birta slæmar fréttir í viku­lokin, og enn betra að grafa fréttir með því að birta þær fyrir langa helgi eins og páska­helg­ina. Það er hins vegar engin hætta á að Mueller-skýrslan hverfi úr fjöl­miðlum í bráð, því Demókratar hafa kraf­ist þess að þingið fá aðgengi að allri skýrsl­unni og und­ir­liggj­andi gögnum. Repúblík­anar hafa fyrir sitt leyti lofað rann­sóknum á rann­sókn­inni og Hvíta húsið hefur lýst yfir að það muni berj­ast gegn öllum til­raunum þings­ins til að stefna gögnum eða vitnum rann­sókn­ar­innar.

Rússarannsóknin sem öngstræti

Það er varla ofsögum sagt að fáum skýrslum hafi verið beðið eftir af jafn mik­illi eft­ir­vænt­ingu og skýrslu Mueller. Margir and­stæð­ingar for­set­ans voru sann­færðir um að skýrslan myndi sýna að Vladimir Putin hefði rænt kosn­ing­unum 2016 fyrir Trump. For­set­inn væri þannig afhjúp­aður sem strengja­brúða Putin og myndi í kjöl­farið hrökkl­ast úr emb­ætti. 

Umfjöllun um rann­sókn­ina fékk þannig oft …