Orðræða þingmannanna á Klaustri Bar minnir á stríðsorðfæri

Orðræða þing­manna Mið­flokks­ins og Flokks fólks­ins á Klaustri Bar 20. nóv­em­ber síð­ast­lið­inn minnir á orð­færi sem beitt er í stríði. Konur, sem þing­menn­irnir litu á sem and­stæð­inga sína, voru smætt­aðar niður í kyn­ferð­is­leg við­föng og ofbeld­is­hót­anir hafðar í frammi, um að beita eigi konur sem ekki þýð­ist karl­menn­ina kyn­ferð­is­legu ofbeldi. „Þú getur riðið henni, skil­urðu.“

Þetta er mat Þor­gerðar Ein­ars­dóttir, pró­fess­ors í kynja­fræði við Háskóla Íslands. Gyða Margrét Pét­urs­dóttir, dós­ent í kynja­fræði, tekur í sama streng og bendir einnig á að þrátt fyrir að nán­ast eng­inn vilji nú kann­ast við að tala með sama hætti og þing­menn­irnir töl­uðu, eða hafa orðið vitni að slíkum talsmáta, þá sé sams konar orð­ræða við­tekin og algeng vítt og breitt um sam­fé­lagið. Þannig hafi fyrir ekki svo mörgum árum verið gefin út bók, Mannasiðir Gillz, þar sem orð­ræðan er um margt mjög keim­lík því sem fram kom á …