Ríkisstjórnin hættir við að afnema virðisaukaskatt af bókum

Áform um nið­ur­fell­ingu virð­is­auka­skatts af bókum hafa verið lögð á hill­una. Þetta kemur fram í grein­ar­gerð fjár­laga­frum­varps árs­ins 2019 sem kynnt hefur verið á vef fjár­mála­ráðu­neyt­is­ins. „Í stað­inn er lagt til að tek­inn verði upp beinn stuðn­ingur við bókaútgef­endur til að mæta því meg­in­mark­miði að efla íslenska tungu,“ segir í grein­ar­gerð­inni.

Fram kemur að helsta ástæðan sé sú að nauð­syn­legt sé að „við­halda skil­virkni gild­andi VSK-kerfis“. Áformum um afnám virð­is­auka­skatts­ins var fagnað með lófa­klappi á flokks­ráðs­fundi Vinstri grænna þann 29. nóv­em­ber þegar flokks­menn sam­þykktu stjórn­ar­sátt­mála rík­is­stjórn­ar­innar.

Kynning á fjár­laga­frum­varpi rík­is­stjórn­ar­innar stendur nú yfir og hefur frum­varpið verið birt á vef fjár­mála­ráðu­neyt­is­ins.

Í skatta­málum ber hæst að per­sónu­af­sláttur mun hækka um 1 pró­sentu­stig árið 2019 umfram lög­bundna 12 mán­aða hækkun vísi­tölu neyslu­verðs, sem­sagt um 540 krónum meira á mán­uði en ella hefði verið.

Þá verður hækkun þrepa­marka efra skatt­þreps miðuð við vísi­tölu neyslu­verðs í stað­inn fyrir vísi­tölu launa til að auka jafn­ræði milli tekju­hópa gagn­vart skatt­kerf­inu. Þetta kemur fram í kynn­ing­ar­efni fyrir fjár­laga­frum­varp árs­ins 2019 sem birt hefur verið á vef fjár­mála­ráðu­neyt­is­ins.

Samhliða hækkun per­sónu­af­sláttar og teng­ingu þrep­marka efra skatt­þreps við vísi­tölu neyslu­­verðs verða barna­bætur hækk­aðar um 1,6 millj­arð. Það felur í sér 16% hækkun milli áranna 2018 og 2019. Auk hækk­unar fjár­hæða og við­mið­un­ar­marka skerð­ingar barna­bóta er í fjár­lögum gert ráð fyrir nýju þrepi skerð­ingar á barna­bótum sem er ætlað að tryggja að hækk­unin skili sér fyrst og fremst til lág­tekju- og lægri milli­tekju­hópa. Er þetta í anda til­lagna Alþjóða­gjald­eyr­is­sjóðs­ins um að barna­bótum sé beint í auknum mæli að lægri tekju­hópum.

Vaxta­bætur hækka einnig, um sem nemur 13% frá áætl­aðri útkomu 2018. Lagt er til að trygg­inga­gjald lækki í árs­byrjun 2019 um 0,25 pró­sentu­stig og aftur um 0,25 pró­sentu­stig í árs­byrjun 2020.

Um þá ákvörðun að afnema ekki bóka­skatt­inn segir meðal ann­ars í grein­ar­gerð fjár­laga­frum­varps­ins: „Í stjórnarsáttmálanum og í fjármálaáætlun 2019–2023 var lýst yfir þeim áformum að afnema VSK af bókum. Við und­irbúning laga­breyt­ing­ar­innar voru mark­mið hennar nánar greind og meðal ann­ars leitað ann­arra leiða en þeirrar að taka upp núllþrep í VSK fyrir bókaútgáfu sem dregið hefði úr skil­virkni VSK-kerf­is­ins, auk þess að flækja það. Nið­ur­staðan er sú að í stað þess að afnema VSK verði tek­inn upp sérstakur stuðn­ingur við útgef­endur bóka á íslensku. Frumvarp þess efnis er lagt fram sam­hliða fjárlaga­frum­varp­inu.“