Rekja fjárhagsvanda lágtekjufólks á leigumarkaði til „lélegs fjármálalæsis hjá almenningi“

Bjarni Bene­dikts­son fjár­mála­ráð­herra telur „lélegt fjár­mála­læsi hjá almenn­ingi“ vera eina af helstu áskor­unum sem stjórn­völd standa frammi fyrir á sviði fjöl­skyldu­mála. Fjár­hags­vandi ungs fólks, meðal ann­ars tekju­lágra ein­stak­linga á leigu­mark­aði, bendi til þess að þörf sé á efl­ingu fjár­mála­læsis og auk­inni fjármálafræðslu í grunn- og fram­halds­skólum lands­ins. 

Þetta kemur fram í grein­ar­gerð sem fylgir fjár­mála­á­ætlun rík­is­stjórn­ar­innar sem lögð var fram í gær.

Í kafla grein­ar­gerð­ar­innar um stefnu­mótun á sviði fjöl­skyldu­mála er fjallað um helstu áskor­anir sem stjórn­völd standa frammi fyrir á sviði fjöl­skyldu­mála.

Þar er að finna sér­staka efn­is­grein (bls. 354) um fjár­hags­örð­ug­leika og skulda­vanda ungs fólks, en útgangs­punkt­ur­inn er sá að fjár­mála­læsi sé slæmt og úr því þurfi að bæta. Hér má lesa efn­is­grein­ina í heild: 

Mynd: admin

Eins og Stundin greindi frá í gær felur fjár­mála­á­ætl­unin í sér að hús­næð­is­stuðn­ingur dregst saman úr 13,4 millj­örðum á fjár­lögum árs­ins 2018 niður í 11,7 millj­arða árið 2023. Þetta er einkum vegna þess að fram­lög til bygg­ingar leigu­í­búða munu lækka um helm­ing þegar sér­stöku átaki frá 2016 lýkur árið 2019. Þing­flokkur Sam­fylk­ing­ar­innar hefur bent á að ekki virð­ist gert ráð fyrir við­bót­ar­fram­lögum til vaxta- og barna­bóta­kerf­is­ins í fjár­mála­á­ætlun. Þá er stefnt að því að útgjöld til lista, menn­ingar, íþrótta-, æsku­lýðs- og lýð­heilsu­m­ála drag­ist lít­il­lega saman. Hins vegar eykst fram­lag til Fæð­ing­ar­or­lofs­sjóðs sem nemur um 2,3 ma.kr. á fyrsta ári áætl­un­ar­innar. Þar af eru 700 millj­ónir áætl­aðar til hækk­unar á hámarks­greiðslu til for­eldra í fæð­ing­ar­or­lofi upp í 600.000 kr. á mánuði. Þá verður sam­tals 600 millj­ónum varið til snemmtækrar íhlut­unar í málefnum barna og aðgerða í þágu efnalítilla barna­fjölskyldna.