Danska ung­linga­bókin „Ekkert“ (Intet á frum­mál­inu) eftir Janne Teller vakti hörð við­brögð fyrst þegar hún kom út árið 2000. Bókin virð­ist lát­laus skáld­saga um hóp tólf ára barna í smá­bænum Tæringu í Danmörku. Bekkj­ar­fé­lagi barn­anna gengur út úr skóla­stof­unni einn dag­inn með hættu­lega hug­mynda­fræði að vopni og lýsir því yfir að ekk­ert skipti máli. Ein­stak­lingur eyðir fjölda ára í það eitt að vaska upp þegar lífs­hlaupið er dregið saman, svo deyrðu. Jörðin hefur verið til í 4,5 millj­arða ára. Hvernig nennið þið þessu? Þannig predikar barnið eins og lífs­leiður níhilisti. Ekkert hefur merk­ingu, full­yrðir dreng­ur­inn; setn­ing sem er lúm­sk­ari en margur heldur.

Fágæt lestrarupplifun

Skóla­börnin ákveða að sanna fyrir bekkj­ar­fé­laga sínum að ýmis­legt hafi merk­ingu og koma sér saman um eitt­hvað sem kall­ast „þýð­ing­ar­hrúga“. Fljótt leita áleitnar spurn­ingar á börnin, sem velja það sem hefur mesta þýð­ingu fyrir næsta bekkj­ar­fé­laga. Ýmislegt fer í hrúg­una, allt frá trú­ar­sann­fær­ingu yfir …