Mest ein máltíð á dag og fólk hrynur niður úr hungri

Áður en átök Ísra­els­hers og Hamas færð­ust í auk­ana í byrjun októ­ber fóru um 500 vöru­bílar með mat og vistir inn á Gasa­svæðið. Nú, á sama tíma og íbúar svæð­is­ins eru án mögu­leika til þess að fram­leiða mat­væli vegna stríðs, kom­ast aðeins einn til tíu bílar inn á svæðið dag­lega og hálf milljón manns er á barmi hung­ursneyðar, segir Andreas Hansen, yfir­maður Norð­ur­landa­skrif­stofu mat­væla­á­ætl­unar Sam­ein­uðu þjóð­anna (WFP), í sam­tali við Heim­ild­ina.

Það vantar fjár­magn, segir Andreas, og aðgengi. Nú er ein­ungis ein leið fyrir hjálp­ar­sam­tök til þess að kom­ast inn á svæðið. Það er við landa­mæri Egypta­lands.

„Það sem mér finnst sér­stak­lega ógn­vekj­andi er að það er matur til staðar hinum megin við landa­mærin. Þar eru vöru­bílar með gnægð matar en nokkrum kíló­metrum frá, á Gasa­svæð­inu, er fólk nálægt því að svelta eða hefur þegar soltið,“ segir Andreas.

„Magn mat­ar­ins sem hefur kom­ist inn á Gasa­svæðið frá …