„Drag er ekki list­form sem varð bara til í RuPaul's Drag Race, það er búið að vera til í mörg ár og á rosa­lega mik­il­vægar rætur í hinsegin menn­ingu og hinsegin bar­áttu. Það er frá­bært að við eigum þetta fyndna og skemmti­lega list­form en það er mik­il­vægt að muna hverjir komu á undan okkur og hverjir gerðu þetta aðgengi­legt fyrir okkur til að hafa bara sem skemmtun. Af því að mjög mikið af fólki fór í gegnum mjög erf­iða hluti svo við gætum snúið okkur í hringi uppi á sviði og verið með glimmer í and­lit­inu,“ segir Glóey Þóra Eyj­ólfs­dóttir, betur þekkt sem dragdrottn­ingin Chardonnay Bublée og hluti af drag­hópnum House of Heart. 

House of Heart hefur verið starf­rækt í tæpt eitt ár og hefur á þeim tíma vakið mikla athygli í dragsen­unni á Íslandi. Í hópnum ásamt Glóeyju eru Oddný Svava Stein­ars­dóttir, Sólveig Johnsen og Magnús Dagur G. McGetrick. …